چیف جسٹس کا 15 روز میں آئل ٹینکرز کو ذوالفقارآباد ٹرمینل منتقل ہونے کا حکم
The news is by your side.

Advertisement

چیف جسٹس کا 15 روز میں آئل ٹینکرز کو ذوالفقارآباد ٹرمینل منتقل ہونے کا حکم

کراچی : چیف جسٹس سپریم کورٹ نے آئل ٹینکرز کو ذوالفقارآباد ٹرمینل جانے کا حکم دے دیا اور کہا کہ پندرہ دن بعد کوئی ٹینکر شیریں جناح کالونی میں کھڑا نہیں ہوگا۔

تفصیلات کے مطابق سپریم کورٹ کراچی رجسٹری میں چیف جسٹس کی سربراہی میں ذوالفقار آباد آئل ٹرمینل کیس کی سماعت ہوئی،مئیر کراچی وسیم اختر, آئل ٹینکر ایسوسی ایشن عہدیداران پیش ہوئے۔

مئیر کراچی نے عدالت کو بتایا کہ ذوالفقار آباد آئل ٹرمینل کا ایک سال قبل افتتاح ہوچکا ہے، آئل ٹینکر مالکان جانے کے لیے تیار نہیں، جس پر صدر ٹینکرز ایسوسی ایشن یوسف شہوانی نے عدالت کو بتایا کہ ہم جانے کے لیے تیار ہیں, مئیر کراچی جھوٹ بول رہے ہیں، دو سو ایکڑ میں سے ہمیں صرف 130 ایکڑ اراضی دی گئی۔

جس پر چیف جسٹس نے مئیر کراچی سے استفسار کیا کہ کام مکمل کیوں نہیں ہوا، جس پر مئیر کراچی نے عدالت کو بتایا کہ کام مکمل ہو چکا چاہیں تو ناظر سے معائنہ کرالیں۔

چیف جسٹس نے ریمارکس دیتے ہوئے کہا ناظر جائے گا اور رپورٹ لائے گا, میں خود جا کر دیکھ لیتا ہوں۔

عدالت نے حکم دیا کہ ناظر کیساتھ مئیر کراچی جائیں اور صورتحال سے آگاہ کریں جبکہ ضیا اعوان کو بھی ذوالفقار آباد آئل ٹرمینل کا معائنہ کرنے کی بھی ہدایت کردی.

چیف جسٹس سپریم کورٹ نے آئل ٹینکرزکو ذوالفقارآباد ٹرمینل منتقل ہونے کا حکم دیتے ہوئے کہا کہ 15 دن بعد کوئی ٹینکر شیریں جناح کالونی میں کھڑا نہیں ہوگا، جس پر صدرآئل ٹینکرزایسوسی ایشن نے کہا کہ ایسا ممکن نہیں ہو پائے گا۔

جسٹس ثاقب نثار نے ریمارکس دیئے کہ میاں صاحب! آپ کے پاس ہر قسم کی حجت ہے، خدا کا خوف کریں کچھ حب الوطنی پیدا کریں اور تنبیہ کی ٹینکر والوں نے ہڑتال کی توسب کو اندر کردیں گے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں