The news is by your side.

چیف الیکشن کمشنر اور چیف جسٹس کے درمیان اہم ملاقات

اسلام آباد: چیف الیکشن کمشنر سکندرسلطان راجہ اچانک سپریم کورٹ پہنچ گئے۔

ذرائع کے مطابق چیف الیکشن کمشنر آج سپریم کورٹ پہنچے جہاں انہوں نے چیف جسٹس آف پاکستان جسٹس عمر عطا بندیا سے ملاقات کی۔

ذرائع کے مطابق چیف الیکشن کمشنر اورچیف جسٹس کی ملاقات آدھا گھنٹہ جاری رہی ، ملاقات میں مختلف آئینی اورقانونی امور پر بات چیت کی گئی۔

ذرائع کا کہنا ہے کہ یہ اہم ملاقات الیکشن کمیشن کی جانب سے انتخابی عمل کے لئے ریٹرننگ افسران عدلیہ سے لینے کی تناظر میں کی گئی۔

اس سے قبل یہ خبریں زیر گردش تھی کہ الیکشن کمیشن رواں ہفتے آراوز ، ڈی آر اوز کی تقرری سے متعلق فیصلہ کرےگا۔

یہ بھی پڑھیں: الیکشن کمیشن کی عدلیہ سے آر اوز اور ڈی آر اوز لینے کی سفارش

ذرائع کا کہنا تھا کہ عدلیہ سے آر اوز نہ لینے کی صورت میں بیوروکریسی سے خدمات لی جائیں گی،اس سلسلے میں الیکشن کمیشن نےبیوروکریسی سےگریڈ17سےاوپر کےافسران کی فہرستیں تیارکررکھی ہیں۔

Comments

یہ بھی پڑھیں