The news is by your side.

Advertisement

پنجاب میں اشتہارات کی بندر بانٹ، چیف جسٹس کا ازخود نوٹس، تشہیری اخراجات کا ریکارڈ طلب

لاہور : چیف جسٹس پاکستان نے پنجاب حکومت کی جانب سے اشتہارات کی بندر بانٹ پر از خود نوٹس لے لیا۔ پنچاب حکومت سےاشتہارات کے اخراجات کی تفصیلات دس دن میں طلب کرلیں۔

تفصیلات کے لاہور رجسٹری میں پنجاب کے اسپتالوں کی حالت زار پر سماعت کے دوران چیف جسٹس نے حکومت کی جانب سے اشتہارات کی بندر بانٹ پر از خود نوٹس لے لیا۔

عدالت نے حکومت پنجاب سےتشہیر کے لیے کیے گئے اخراجات کا ریکارڈ طلب کرلیا۔

از خود نوٹس کی سماعت کے دوران چیف جسٹس نے کہا کہ اشتہاری مہم کم کردیں، ریکارڈ سے ہمیں پتہ چل جائے گا کہ پنجاب حکومت صحت کے معاملے میں مخلص یہ نہیں، اگر ہے تو ہمیں مداخلت کی ضرورت نہیں۔

جسٹس ثاقب نثار نے اپنے ریمارکس میں کہا کہ صحت شہریوں کا بنیادی حق ہے، مفت ادویات مل نہیں رہیں اور تشہیر پر خرچہ کیا جارہا ہے، وقت ابھی سے شروع ہوتا ہے، 10 دن میں تفصیلات پیش کی جائیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں