site
stats
پاکستان

کراچی:کمسن ملازمہ سے اجتماعی زیادتی‘چیف جسٹس کا ازخود نوٹس

اسلام آباد: چیف جسٹس آف پاکستان نے 11سالہ کمسن ملازمہ کے ساتھ اجتماعی زیادتی کا نوٹس لے لیا۔چیف جسٹس نےآئی جی سندھ سے ایک ہفتے میں رپورٹ طلب کر لی۔

تفصیلات کےمطابق چیف جسٹس میاں ثاقب نثار نے 11سالہ کمسن ملازمہ کےساتھ اجتماعی زیادتی کا نوٹس لیتے ہوئے آئی جی سندھ پولیس سے ایک ہفتےمیں رپورٹ طلب کرلی۔

خیال رہےکہ کشمور کے علاقے کندھ کوٹ سے تعلق رکھنے والی 11 سالہ گھریلو ملازمہ دو ماہ قبل کراچی آئی تھی اور ملیر کے ایک گھر میں کام کاج کررہی تھی تاہم تین روز قبل بچی کے ساتھ اجتماعی زیادتی کا واقعہ پیش آیاتھا۔

بعدازاں پولیس نےضلع کشمورکےعلاقےکندھ کوٹ سے تعلق رکھنے والی 12 سالہ گھریلو ملازمہ کےساتھ اجتماعی زیادتی کےالزام میں دوافراد کوگرفتار کرلیا تھا جبکہ دیگر ملزمان کی تلاش جاری تھی۔


کراچی: 11 سالہ کمسن ملازمہ سے اجتماعی زیادتی، 2 ملزمان گرفتار


ایف آئی آر میں نامزد ملزمان میں راہب سحریانی، ثاقب علی ولد راہب، خان محمد، مہذب ولد مجاہد، شان ولد امان اللہ شیراز ولد راہب اور اپنو ولد راہب کونامزد کیاگیاہے۔

واضح ریے کہ آٓئی جی سندھ پولیس کے ترجمان کے مطابق ایس ایس پی کندھ کوٹ سمیع اللہ سومرو کو اس واقعے کی تحقیقات میں ہونے والی پیش رفت سے آگاہ کرنے اور متاثرہ لڑکی کے خاندان کی حفاظت کو یقینی بنانے کا بھی حکم دیا گیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top