چیف جسٹس کی مسلم لیگ ن کےرہنماؤں کووارننگ -
The news is by your side.

Advertisement

چیف جسٹس کی مسلم لیگ ن کےرہنماؤں کووارننگ

اسلام آباد:چیف جسٹس آف پاکستان نے مسلم لیگ ن کے رہنماؤں کو وارننگ دیتے ہوئے کہاکہ عدالتوں کی تضحیک نہ کریں ایسی کسی بات کو برداشت نہیں کیا جائےگا۔

تفصیلات کے مطابق سپریم کورٹ میں عمران خان اور جہانگیر ترین کی نااہلی کیس کی سماعت چیف جسٹس ثاقب نثار کی سربراہی میں تین رکنی بنچ نے کی۔

چیف جسٹس نے سماعت کےدوران ن لیگ کےرہنما حنیف عباسی اور دانیال عزیز پراظہاربرہمی کرتے ہوئے کہاکہ آپ دونوں بتائیں کہ آپ کے ساتھ عدالت نےکیا امتیازی سلوک کیا ہے۔

چیف جسٹس کےسوال کےجواب میں دانیال عزیز نے کہا کہ صرف الیکشن کمیشن میں زیر سماعت مقدمات پر بات کی۔

جسٹس ثاقب نثار نے ریمارکس دیتے ہوئے کہا کہ آخری وارننگ دے رہا ہوں، عدالتوں کی تضحیک نہ کریں آئندہ ایسی کسی بھی بات کو برداشت نہیں کریں گے۔


بنی گالہ اراضی‘لندن فلیٹ کےثبوت سپریم کورٹ میں پیش کروں گا‘عمران خان


دانیال عزیز نےکمرہ عدالت میں بولنے کی کوشش کی تو چیف جسٹس نے انہیں بولنے سے روک دیا۔مسلم لیگ ن کےرہنما کےوکیل جبکہ اکرم شیخ نے بھی دانیال عزیز کو بولنے سے روک دیا۔

اکرم شیخ نے دانیال عزیز کو چیف جسٹس سے معافی مانگنے کا کہا جس پر انہوں نے کمرہ عدالت میں اپنے بیان پر معذرت کرلی۔

یاد رہےکہ دانیال عزیز نے الیکشن کمیشن کے باہرمیدیا سے گفتگو کرتے ہوئےشکوہ کیا تھا کہ ہمارے ساتھ برابری کی بنیاد پرسلوک نہیں کیا جارہا،وزیراعظم کے ساتھ امتیازی سلوک نہیں ہونا چاہیے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

Comments

comments

یہ بھی پڑھیں