site
stats
سندھ

کراچی سینٹرل جیل میں ایم کیو ایم اورپی ایس پی کے کارکنان میں تصادم

کراچی : کراچی سینٹرل جیل میں ایم کیو ایم اور پاک سرزمین پارٹی کے کارکنوں میں تصادم کے باعث 4 کارکن زخمی ہو گئے جب کہ تصادم میں ملوث 8 ملزمان کو بند وارڈ منتقل کردیا گیا۔

تفصیلات کے مطابق سینٹرل جیل میں قید متحدہ قومی موومنٹ اور پاک سرزمین پارٹی کے کارکنوں کے درمیان اس وقت تصادم ہوگیا جب کارکنان اپنے اہل خانہ سے ملاقات کر رہے تھے جب کہ اس سے پیشتر ہی اعلیٰ حکام نے سینٹرل جیل کا دورہ کیا تھا۔

ذرائع کے مطابق کراچی سینٹرل جیل میں قید متحدہ قومی موومنٹ اور پاک سرزمین پارٹی کے کارکنوں کے درمیان تصادم چیف جسٹس آف پاکستان جسٹس انور ظہیر جمالی سمیت اعلیٰ عدلیہ فاضل جج صاحبان کے دورے کے کچھ دیر بعد ہوا جس سے جیل حکام کی نااہلی کا بہ خوبی اندازہ لگایا جا سکتا ہے۔

تصادم کےدوران دونوں جماعتوں کے 4 کارکن زخمی ہوئے جنہیں اسپتال منتقل کردیا گیا ہے جب کہ رینجرز نے موقع پر پہنچ کرصورتحال کو قابو کرکے تصادم میں ملوث 8 ملزمان کو بند وارڈ منتقل کردیا گیا۔

واضح رہے کہ کراچی سینٹرل جیل میں کراچی کے نومنتخب میئروسیم اختر اور پاک سرزمین پارٹی کے صدر انیس قائم خانی سمیت دونوں جماعتوں کے سیکڑوں کارکنان قید ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top