The news is by your side.

Advertisement

سعودی بچی کا شاندار کارنامہ، سوشل میڈیا پر چرچے

ریاض : سعودی عرب کی وادی نجران کے سیاحتی مقام پر کمسن بچی کی صفائی کرتے ہوئے وڈیو سوشل میڈیا پر وائرل ہوگئی، صارفین نے بچی کی دل کھول کر حوصلہ افزائی کی۔

تفصیلات کے مطابق وادی نجران کے کنارے صفائی کرنے والی بچی وڈیو سوشل میڈیا پر وائرل ہوگئی جس میں مذکورہ بچی سیاحتی مقام پر پھیلا ہوا کچرا ایک تھیلے میں جمع کرتی دیکھی جاسکتی ہے۔

سعودی ذرائع ابلاغ مطابق معصوم بچی کی وڈیو نے سیاحت کے لیے آنے والوں کو صفائی کا عملی درس دیا ہے۔ سوشل میڈیا صارفین نے وائرل وڈیو پر تبصرے کیے ہیں۔

صارفین کا کہنا ہے کہ ہمارے یہاں بڑا غلط رواج ہے کہ بہت سارے لوگ سمندر کے کنارے یا کسی دریا کے کنارے یا کسی پارک میں جاتے ہیں اور کچرا وہیں پھینک کر چلے جاتے ہیں۔

بعض لوگ باربی کیو بھی کرتے ہیں اور جلتے ہوئے کوئلے یونہی چھوڑ کر چلتے بنتے ہیں۔ مشروبات کی بوتلیں، ڈبے یا سینڈوچ کے ٹکڑے یونہی چھوڑ کر چلے جاتے ہیں۔ یہ ہمارے مذہب، آباؤ اجداد کی روایت اور انسانی تہذیب کےسراسر منافی ہے۔

سوشل میڈیا صارفین نے بچی کے اس اقدام کو سراہا اور کہا کہ سب لوگ اس ننھی بچی سے سبق لیں اور سیاحتی مقامات پر صفائی کا خیال رکھیں۔

یاد رہے کہ کورونا وائرس کا پھیلاو روکنے کے لیے حکومت صفائی کا خیال رکھنے پر زور دے رہی ہے۔ احتیاطی تدابیر اسی وقت مؤثر ہوں گی جب اردگرد کے ماحول کو بھی صاف رکھا جائے گا۔

Comments

یہ بھی پڑھیں