روم: اٹلی کے شہر کنوگلی میں لینڈ سیلائیڈنگ کی زد میں آکر قبرستان اور گرجا گھر سمندر برد ہوگیا۔
بین الاقوامی میڈیا رپورٹ کے مطابق ایک روز قبل کنوگلی میں لینڈسلائیڈنگ کا واقع پیش آیا جس کے نتیجے میں گرجا گھر اور قبرستان منہدم ہوکر سمندر برد ہوگیا۔
چموگلی ٹاؤن کے علاقے کنوگلی میں ہونے والی لینڈ سلائیڈنگ کے باعث گرجا گھر کی مکمل عمارت اور قبرستان مکمل طور پر تباہ ہوئے جس کی تباہی کے وقت کی ویڈیو انٹرنیٹ پر وائرل ہوئی ہے۔
واقعے کے بعد ٹیمیں جائے وقوعہ پر پہنچیں اور ریسکیو آپریشن کیا جس کے نتیجے میں سمندر میں بہہ جانے والے متعدد مردوں کو نکال کر محفوظ مردہ خانے منتقل کیا گیا۔
#Camogli. Il video del #crollo del #cimitero da parte di alcuni operai che si erano messi in sicurezza poco prima che il fronte collassasse. pic.twitter.com/eFxCeEPWxb
— Babboleo News (@BabboleoNews) February 22, 2021
ماہرین کا کہنا ہے کہ گزشتہ کئی سالوں میں آنے والے طوفان اور ساحلی پٹی کے کٹنے کی وجہ سے اس علاقے میں لینڈ سلائیڈنگ کا واقعہ پیش آیا۔