site
stats
عالمی خبریں

ہیلری کلنٹن نے صدارتی نامزدگی کے لیے درکار حمایت حاصل کرلی

واشنگٹن : سابق وزیرخارجہ ہلیری کلنٹن نےصدارتی نامزدگی حاصل کرنےکےلیے درکار ڈیلی گیٹس کی حمایت حاصل کرلی ہے.

تفصیلات کےمطابق امریکہ میں صدارتی نامزدگی کے حصول کے لیے امیدواروں کی درمیان سخت مقابلہ جاری ہے، ڈیموکریٹک پارٹی سے صدارتی نامزدگی حاصل کرنے کے لیے سابق وزیر خارجہ ہیلری کلنٹن نے درکار ڈیکی گیٹس کی حمایت حاصل کرلی.

امریکی ذرائع ابلاغ کے اعدادوشمار کےمطابق سابق وزیرخارجہ ہیلری کلنٹن کو دو ہزار تین سو تراسی ڈیلی گیٹس کی حمایت حاصل ہوگئی ہے.

ڈیموکریٹک پارٹی میں ہیلری کلنٹن کے حریف امیدوار برنی سینڈرزنے میڈیا کو آڑے ہاتھوں لیتے ہوئے کہا کہ سپر ڈیلی گیٹس کے ووٹ ہیلری کے کھاتے میں ڈالنا درست نہیں ہے.

برنی سینڈر نے جولائی میں ڈیموکریٹک پارٹی کے کنونشن تک اپنی انتخابی مہم جاری رکھنے کے عزم کا اظہارکیا ہے.

یادرہے کہ اس سے قبل ریپبلکن امیدوار ڈونلنڈ ٹرمپ نے صدارتی نامزدگی کے لیے درکار حمایت حاصل کرلی تھی، ٹرمپ کو ایک ہزاردو سو اڑتیس مندوبین کی حمایت حاصل تھی جو صدارتی امیدوار کی نامزدگی یقینی بنانے کے لیے کافی ہے

ڈونلڈ ٹرمپ نے ریپبلکن جماعت کے صدارتی امیدوار کی نامزدگی کی دوڑ میں سولہ امیدواروں کو شکست دی تھی.

واضح رہے کہ گذشتہ دنوں امریکہ میں صدارت کے خواہشمند افراد سےمتعلق سروے کیا گیاتھاجس میں ایک ہزار چار سو اکیس افرادسےرائے لی گئی تھی،سروےمیں ہلیری کلنٹن کو ڈونلڈ ٹرمپ پر برتری حاصل تھی.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top