The news is by your side.

Advertisement

کلسٹر بم کا استعمال، وزیراعظم عمران خان کا عالمی برادری سے نوٹس کا مطالبہ

اسلام آباد: وزیراعظم عمران خان نے لائن آف کنٹرول پر بھارتی جارحیت کی شدید الفاظ میں مذمت کرتے ہوئے کہا ہے کہ کلسٹر بم کا استعمال عالمی قوانین کی خلاف ورزی ہے، عالمی برادری بھارتی جارحیت کا نوٹس لے۔

سماجی رابطے کی ویب سائٹ پر اپنے ایک ٹویٹ میں عمران خان کا کہنا تھا کہ بھارتی فوج نے کلسٹر بم کو استعمال کر کے آبادی کو نشانی بنایا جو عالمی قوانین اور انسانی حقوق کی کھلی خلاف ورزی ہے۔

وزیر اعظم کا کہنا تھا کہ بھارت کلسٹر بم استعمال کر کے 1983 کے جنیوا کنونشن کی کھلی خلاف ورزی کررہا ہے لہذا اقوام متحدہ کی سلامتی کونسل بھارتی جارحیت کا فوری نوٹس لے۔

مزید پڑھیں: بھارت کلسٹربم استعمال کرکےعالمی قوانین کی خلاف ورزی کررہاہے، ڈی جی آئی ایس پی آر

اُن کا کہنا تھا کہ بھارتی جارحیت سےعالمی امن اور خطے کی سیکیورٹی کوخطرات درپیش ہیں،سیکیورٹی کونسل بھارت کی وجہ سےسیکیورٹی کودرپیش خطرات کانوٹس لے۔ وزیراعظم نے ایک بار پھر دہرایا کہ امریکی صدر نے مسئلہ کشمیر پر ثالثی کا کردار ادا کرنے کی پیش کش بھی کی، اب وقت آگیا ہے ثالثی کی جائے۔

یاد رہے کہ بھارت نے گزشتہ دنوں لائن آف کنٹرول کی خلاف ورزی کرتے ہوئے آبادی پر کلسٹر بم فائر کیے تھے۔ ڈی جی آئی ایس پی آرمیجرجنرل آصف غفور نے سماجی رابطے کی ویب سائٹ ٹوئٹر پر بھارت کی جانب سے ایل او سی پر کلسٹر ٹوائے بم کے استعمال کے حوالے سے کہا تھا بھارتی فوج کاکلسٹربم کااستعمال قابل مذمت ہے، بھارت کلسٹربم استعمال کرکےعالمی قوانین کی خلاف ورزی کررہاہے۔

Comments

comments

یہ بھی پڑھیں