The news is by your side.

Advertisement

‘وہ کھانستی رہی اور.. ‘سماجی دوری نہ رکھنے کا خوفناک انجام

کیلی فورنیا: امریکی شہر پاساڈینا میں خاتون کی لاپروائی سے سالگرہ کی تقریب میں کرونا وائرس پھیل گیا۔

امریکی ریاست کیلی فورنیا کے شہر پاسا ڈینا کے محکمہ صحت نے بتایا کہ مارچ میں حکومت کی جانب سے گھروں پر رہنے کی تاکید کرنے کے بعد سالگرہ کی تقریب کا اہتمام کیا گیا جس میں بڑی تعداد میں خاندان کے افراد اور دوستوں نے شرکت کی۔

محکمہ صحت کے عہدیداروں نے بتایا کہ پارٹی میں ایک مریض کھانستا رہا اور اس نے ماسک بھی نہیں پہنا تھا اور پارٹی میں موجود دیگر مہمانوں نے بھی ماسک نہیں پہنے تھے اور سماجی فاصلے کو بھی نظر انداز کیا گیا۔

پاساڈینا کی ترجمان لیزا ڈیرڈیرین نے کھانسی میں مبتلا عورت سے متعلق کہا کہ وہ سالگرہ کی تقریب میں لوگوں کے ساتھ مذاق کر رہی تھیں۔انہوں نے بتایا کہ خاتون کا کہنا تھا کہ ہوسکتا ہے کہ مجھے کرونا وائرس ہو۔

پاساڈینا کی ترجمان کے مطابق رابطہ ٹریسنگ کے ذریعے تفتیش کار پارٹی میں جانے والے پاساڈینا کے رہائشیوں میں سے 5 افراد میں کرونا وائرس کی تصدیق کرنے میں کامیاب ہوئے ہیں۔

لیزا ڈیرڈیرین کا کہنا تھا کہ لیکن ہمارا خیال ہے کہ پاساڈینا کے باہر رہنے والے پانچ یا چھ افراد جنہوں نے سالگرہ کی تقریب میں شرکت کی انہیں بھی انفکیشن ہوگیا ہے، ان میں وائرس کی علامات ظاہر ہوئی ہیں۔ترجمان کا مزید کہنا تھا کہ انہیں قرنطین کرنے کی ضرورت ہے۔

Comments

یہ بھی پڑھیں