The news is by your side.

Advertisement

اٹلی ودیگر ممالک نے کرونا کو ہلکا سمجھا آج وہاں ایمرجنسی صورتحال ہے، جام کمال خان

کوئٹہ: وزیراعلیٰ بلوچستان جام کمال خان کا کہنا ہے کہ اٹلی ودیگرممالک نے کرونا کو ہلکا سمجھا آج وہاں ایمرجنسی صورت حال ہے۔

تفصیلات وزیراعلیٰ بلوچستان جام کمال خان نے کرونا کی روک تھام کے لیے عوام کے نام ویڈیو پیغام میں کہا کہ عوام کرونا کو پھیلنے سے روکنے کے لیے احتیاطی تدابیر اپنائیں۔

جام کمال خان کا کہنا تھا کہ عوام کچھ عرصہ گھروں میں رہیں، بھیڑ والی جگہوں پر نہ جائیں، ریسٹورنٹس اور غیر ضروری مقامات پر جانے سےگریز کیا جائے۔

وزیراعلیٰ بلوچستان نے مزید کہا کہ عوام کرونا کو ہلکی بیماری سمجھ رہے ہیں جو خطرناک ہے، اٹلی ودیگر ممالک نے کرونا کو ہلکا سمجھا آج وہاں ایمرجنسی صورت حال ہے۔

بلوچستان حکومت کا 21 دن تک جزوی لاک ڈاؤن کا فیصلہ

خیال رہے کہ گزشتہ روز کرونا وائرس کے باعث بلوچستان حکومت نے21 دن تک جزوی لاک ڈاؤن کا فیصلہ کیا تھا۔

واضح رہے کہ پاکستان میں کرونا وائرس کے کیسز کی تعداد 666 ہو گئی ہے، وائرس سے مجموعی طور پر 3 افراد جاں بحق جبکہ 13 مریض صحت یاب ہو چکے ہیں۔

fb-share-icon0
Tweet 20

Comments

comments

یہ بھی پڑھیں