The news is by your side.

Advertisement

وزیراعلیٰ بلوچستان کا نیشنل کمانڈ اینڈ کنٹرول سینٹر کا دورہ

اسلام آباد: وزیراعلیٰ بلوچستان جام کمال خان کا کہنا ہے کہ کرونا کے خلاف مشترکہ جدوجہد میں این سی او سی کا کلیدی کردار ہے۔

تفصیلات کے مطابق وزیر اعلیٰ بلوچستان جام کمال نے نیشنل کمانڈ اینڈ کنٹرول سینٹر کا دورہ کیا جہاں انہیں بلوچستان کے تناظر میں کرونا وبا پر تفصیلی بریفنگ دی گئی۔

اس موقع پر وزیراعلیٰ بلوچستان کا کہنا تھا کہ بلوچستان میں کرونا وبا کی روک تھام کے لیے ٹیسٹنگ میں اضافہ کیا جائے گا، مزیدٹیسٹنگ کے لیے بلوچستان کے 3 اضلاع میں نئی لیب قائم کی جا رہی ہیں۔

جام کمال خان نے این سی او سی کی کاوشوں کو سراہتے ہوئے کہا کہ کرونا کے خلاف مشترکہ جدوجہد میں این سی او سی کا کلیدی کردار ہے۔

پاکستان میں کرونا کے مزید 9 مریض انتقال کر گئے

واضح رہے کہ ملک بھر میں 24 گھنٹوں میں کرونا کے مزید 9 مریض انتقال کر گئے جس کے بعد اموات کی تعداد 6 ہزار 408 ہو گئی۔

این سی او سی کا کہنا ہے کہ ملک بھر میں کرونا کے مجموعی کیسز کی تعداد 3 لاکھ 4 ہزار 386 ہے، اب تک 2 لاکھ 91 ہزار 683 کرونا مریض صحت یاب ہو چکے ہیں۔

Comments

یہ بھی پڑھیں