The news is by your side.

Advertisement

وزیراعلیٰ سندھ کی زیر صدارت اپیکس کمیٹی کا اہم اجلاس

کراچی : وزیر اعلیٰ سندھ سید مراد علی شاہ کی زیر صدارت اپیکس کمیٹی کا اجلاس جاری ہے،اجلاس میں امن و امان کے حوالے سے اہم فیصلے متوقع ہیں اور نیشنل ایکشن پلان پر عمل درآمد پر بھی غور کیا جائے گا۔

تفصیلات کے مطابق اجلاس میں گورنرسندھ عشرت العباد،کورکمانڈرکراچی نوید مختار،ڈی جی رینجرز بلال اکبر او ر آئی جی سندھ اے ڈی خواجہ،مشیر قانون مرتضیٰ وہاب،مشیر اطلاعات مولا بخش چانڈیو اور سینیئر وزراء سمیت دیگر اعلٰی حکام شریک ہیں۔

ذرائع کے مطابق اجلاس میں کراچی میں ہونے والے حالیہ فرقہ ورانہ ٹارگٹ کلنگ کے حوالے سے سیکیورٹی ادارے بریفنگ دیں گے اور اس حوالے سے اہم فیصلے بھی متوقع ہیں جب کہ کراچی کے مختلف علاقوں سے برآمد کیے گئے آتشیں اسلحہ سے متعلق کیس کی پیشرفت پر بھی غور و خوص کیا جائے گا۔

ذرائع کا کہنا ہے کہ اجلاس میں نیشنل ایکشن پلان کے تحت طے کیے گئے روٹ میپ پر عمل در آمد کی رفتار پر نکتہ بہ نکتہ تبادلہ خیال کیا جائے گا اور متعلقہ ادارے اس سے متعلق اپنی رپورٹ سامنے رکھیں گے ۔

واضح رہے عاشورہ کا پُر امن خاتمے کے بعد دہشت گردی کی چار واقعات نے سیکیورٹی اداروں کی کارکردگی کی قلعی کھول دی تھی،جس میں گلساتن جوہر میں امام بارگاہ کے نگراں کی شہادت، گلشن اقبال ،لیاقت آباد اور ناظم آباد میں مجالس پر دہشت گردی کے حملے میں 8 افراد جام شہادت نوش کر گئے تھے۔

Print Friendly, PDF & Email

Comments

comments

یہ بھی پڑھیں