The news is by your side.

Advertisement

وزیر اعظم عمران خان رشکئی اکنامک زون کا سنگ بنیاد رکھیں گے

پشاور : وزیر اعلیٰ خیبر پختونخواہ محمود خان سے چیئرمین سی پیک اتھارٹی عاصم سلیم باجوہ کی ملاقات میں جلد سے جلد رشکئی اکنامک زون کے افتتاح پر اتفاق کیا گیا ، وزیر اعظم عمران خان رشکئی اکنامک زون کا سنگ بنیاد رکھیں گے۔

تفصیلات کے مطابق وزیر اعلیٰ خیبر پختونخواہ محمود خان سے چیئرمین سی پیک اتھارٹی عاصم سلیم باجوہ کی ملاقات ہوئی ، ملاقات میں سی پیک منصوبوں سے متعلق تبادلہ خیال کیا گیا اور سی پیک کےدسویں جے سی سی اجلاس کی تیاریوں سےمتعلق بات چیت ہوئی۔

ملاقات میں اجلاس کیلئے صوبے کے مجوزہ ترقیاتی منصوبوں سے متعلق تبادلہ خیال کیا گیا اور جلد سے جلد رشکئی اکنامک زون کے افتتاح پر اتفاق کیا، وزیر اعظم عمران خان رشکئی اکنامک زون کا سنگ بنیاد رکھیں گے۔

وزیر اعلیٰ خیبر پختونخواہ محمود خان نے کہا کہ اکنامک زون میں صنعتوں کیلئے 700 سے زائد درخواستیں ملی ہیں، رشکئی اکنامک زون سےصنعتی ترقی کے نئے دور کا آغاز ہوگا۔

چیئرمین سی پیک اتھارٹی عاصم سلیم باجوہ کا کہنا تھا کہ اجلاس میں زراعت کیلئے اہم منصوبے پیش کیے جائیں گے۔

Comments

یہ بھی پڑھیں