سوات: وزیراعلیٰ خیبرپختونخوا محمود خان نے سوات میں سترہ سال بعد فلائٹ آپریشن کی بحالی پر خیبر پختونخوا کےلوگوں کو مبارکباد پیش کرتے ہوئے کہا ایئرپورٹ کی بحالی میں مراد سعید کاکردار قابل ستائش ہے۔
تفصیلات کے مطابق سیدو شریف ایئرپورٹ کی افتتاحی تقریب سے وزیراعلیٰ خیبر پختونخواہ نے خطاب کرتے ہوئے کہا آج ہم وزیراعظم عمران خان کی کاوشوں کی وجہ سے اکٹھےہوئے ، سول ایوی ایشن ،ڈسٹرکٹ ایڈمنسٹریشن ،پولیس نے محنت کی، سیدوشریف ایئرپورٹ کی بحالی پر مرادسعید کا کردار قابل ستائش ہے۔
محمود خان کا کہنا تھا کہ غلام سرور اور پی آئی اے کا بھی بے حد مشکور ہوں ،پورا کریڈٹ مراد سعید کو جاتا ہے یہ سوات کاسپوت ہے ، ہم نے جو وعدے کئے تھے ان کو پورے کرنے کیلئے متحرک ہیں، سیدوشریف ایئرپورٹ جب بند ہواتھا اسوقت سوات کے حالات خراب تھے۔
وزیراعلیٰ خیبر پختونخواہ نے کہا کہ سوات ،مالاکنڈ کے لوگوں کو مبارکبادپیش کرناچاہتاہوں، سیاحت کو فروغ دینا یہ وزیراعظم کا وژن ہے، صوبے میں ترقیاتی منصوبوں کا جال بچھائیں گے ، آسٹریا سےآنیوالا شخص سوات میں 4 ہزار گھربناناچاہتاہے، سوات کا علاقہ ایک سرکل میں منسلک ہوجائے گا۔
منصوبوں کے حوالے سے ان کا کہنا تھا کہ سیاحت پر ہماری توجہ ہے ،موٹروے کا فیز ون مکمل ہوچکا ہے،دوسرے پر کام جاری ہے، این ایچ اے کا چک درہ چترال اور شندور کے منصوبے پر کام جاری ہے۔
محمود خان نے کہا کہ بہت سے ترقیاتی منصوبے پائپ لائن میں ہیں، انڈسٹریل ون ، مینگورہ سٹی کیلئے صاف پانی کیلئے کام کررہےہیں جبکہ ورلڈ بینک کی مدد سےدریائےسوات سےمینگورہ کوصاف پانی دیاجائے گا ، ہم نے ہر 15 دن بعد وزیراعظم کو لانا ہے اور منصوبوں کا افتتاح کرانا ہے۔
وزیراعلیٰ کے پی نے عوام سے اپیل کی کہ کورونا ایس اوپیز پر سختی سے عمل کریں ، کورونا کی وبا ہمارے لئے اللہ کی طرف سے امتحان ہے، میں نہیں چاہتا بچے اسکول سے محروم ،نوجوان بے روزگار ہو ں، عوام میں آگاہی مہم میں آپ لوگ ساتھ دیں۔
