The news is by your side.

Advertisement

وزیرِ اعلیٰ خیبر پختونخوا کی محرم کے دوران بہترین انتظامات کی ہدایت

پشاور: وزیرِ اعلیٰ خیبر پختونخوا نے چیف سیکریٹری نوید اور آئی جی کے پی سے ملاقات کے دوران ہدایت کی کہ محرم کے دوران صوبے میں بہترین انتظامات کیے جائیں۔

تفصیلات کے مطابق وزیرِ اعلیٰ خیبر پختونخوا سے چیف سیکریٹری نوید اور آئی جی کے پی نے ملاقات کی، محمود خان نے محرم کے دوران بہترین انتظامات کی ہدایت کی۔

وزیرِ اعلیٰ کے پی نے کہا کہ پولیس شرپسندوں اور مجرمانہ ذہنیت کے لوگوں پر نظر رکھے، انھوں نے ہدایت کی کہ انتظامی سطح پر بہترین اقدامات کیے جائیں تاکہ سیکورٹی یقینی ہو۔

محمود خان نے یہ بھی ہدایت کی کہ انتظامیہ اور پولیس سیکورٹی اقدامات پر آپس میں ایک دوسرے کے ساتھ تعاون کریں۔ ان کا کہنا تھا کہ حکومت جان و مال کی حفاظت اور بہتر سیکورٹی کا عزم رکھتی ہے۔


یہ بھی پڑھیں:  محرم الحرام: سرکاری چھٹیوں کا اعلان، نوٹی فکیشن جاری


وزیرِ اعلیٰ خیبر پختونخوا محمود خان نے چیف سیکریٹری اور آئی جی سے گفتگو کرتے ہوئے کہا کہ حکومت اچھی حکمرانی کے ذریعےعوام کو ریلیف دینے کے لیے پُر عزم ہے۔

واضح رہے کہ خیبرپختونخوا حکومت نے سرکاری اسکولوں میں 6 سے 10 محرم تک تعطیلات دینے کا اعلان کیا ہے۔ ڈپٹی کمشنر پشاور ڈاکٹر عمران نے اعلان کیا تھا کہ جلوس کی گزر گاہوں والے تمام علاقوں میں سرکاری تعلیمی ادارے بند رہیں گے۔

Comments

comments

یہ بھی پڑھیں