The news is by your side.

Advertisement

‘معیشت درست سمت میں گامزن ہے، جلد مزید خوشخبریاں ملیں گی’

پشاور : وزیر اعلیٰ خیبرپختونخوا محمود خان کا کہنا ہے کہ معیشت درست سمت میں گامزن ہے، جلد مزید خوشخبریاں ملیں گی، وقت کے بتوں کو عمران خان نے توڑا ہے ، حکومت ملکی خزانہ لوٹنے والوں کو نہیں چھوڑے گی۔

تفصیلات کے مطابق وزیر اعلیٰ خیبرپختونخوا محمود خان نے پی ڈی ایم پر سخت برہمی کا اظہار کرتے ہوئے کہا اپوزیشن کے پاس کوئی راستہ نہ بچا تو انھوں نے تماشا بنا رکھا ہے ، یہ لوگ اپنی کرپشن بچانے کی کوششیں کررہی ہے، وزیراعظم عمران خان کسی کو این آراو نہیں دیں۔

وزیر اعلیٰ خیبرپختونخوا کا کہنا تھا کہ عوام پی ٹی آئی اور عمران خان کیساتھ کھڑےہیں، معیشت درست سمت میں گامزن ہے، جلد مزید خوشخبریاں ملیں گی۔

محمود خان نے کہا کہ جس کویہ نہیں پتہ آلودرجن یاکلومیں فروخت ہوتےہیں وہ کیسےملک کولیڈرکرے گا، وقت کے بتوں کو عمران خان نے توڑا ہے ، اپوزیشن کی افراتفری اور انتشار کی سیاست ناکام ہوگی۔

ان کا مزید کہنا تھا کہ حکومت ملکی خزانہ لوٹنے والوں کو نہیں چھوڑے گی، کسی صورت انہیں معافی نہیں ملے گی۔

Comments

یہ بھی پڑھیں