اسلام آباد: وزیراعلیٰ خیبرپختونخواہ پرویز خٹک کی سربراہی میں آنے والا جلوس شدید شیلنگ کےباعث برہان انٹرچینج سے واپسی صوابی بیس کیمپ پہنچ گیا۔
تفصیلات کےمطابق تحریک انصاف کے سربراہ عمران خان نے سماجی رابطے کی ویب سائٹ ٹوئٹر پر اپنے پیغام میں عمران خان نے تحریک انصاف کی جانب سے ہدایت دی گئی ہے کہ کارکنان دوبارہ صوابی انٹر چینج واپسی جائیں اور دوبارہ تیار ہوکر بنی گالہ کے مشن کے لیے روانہ ہوں۔
1. Given brutal use of tear gas by Punjab police, I asked Parvez Khattak to retreat to Swabi, regroup, rest, get reinforcements
— Imran Khan (@ImranKhanPTI) November 1, 2016
پاکستان تحریک انصاف کےسربراہ عمران خان نے اپنے پیغام میں تحریک انصاف خیرپختونخواہ کی قیادت،وزیراعلیٰ پرویز خٹک سمیت کارکنوں کی ہمت اور حوصلے کی تعریف کی۔
2. Before resuming mission to get to Bani Gala by afternoon. I salute P Khattak & PTI KP for their courage, resilience & sheer guts.
— Imran Khan (@ImranKhanPTI) November 1, 2016
عمران خان کا کہناتھاکہ پنجاب پولیس نے کارکنوں پر ظلم وستم کی انتہاکردی اور انہوں نے کہا کہ پولیس کی جانب سے زائد المیعاد کے آنسو گیس اور شیلنگ کی گئی۔
3. They confronted Punjab police’s brutality and use of lethal expired tear gas.
— Imran Khan (@ImranKhanPTI) November 1, 2016
پی ٹی آئی کارکنوں کا برہان انٹر چینج پر قیام، پولیس کی شیلنگ
خیال رہےکہ اس سے قبل تحریک انصاف کے چیئرمین عمران خان کا کہناتھا کہ کارکنان زیادہ قیمتی ہیں اس لیے پیچھے ہٹ جائیں اور ’میرے حکم کا انتظار کریں‘۔
معاون خصوصی وزیراعلیٰ پرویزخٹک کے مطابق پی ٹی آئی کارکنان کو برہان سے واپس صوابی انٹرچینج بلالیا گیا اور آئندہ کا لائحہ عمل صوابی انٹرچینج پر طے کیا جائےگا ۔
یاد رہے کہ گزشتہ روزپرویز خٹک کی قیادت میں جلوس پولیس کی رکاوٹیں عبور کرتے ہوئے برہان پہنچے جہاں پنجاب پولیس کی جانب سے جلوس کو روکنے کے لیے آنسو گیس کا استعمال کیاتھا۔
واضح رہے کہ پرویز خٹک نے کارکنوں کے ہمراہ پیر کو اسلام آباد کے علاقے بنی گالہ میں عمران خان کی رہائش گاہ تک پہنچنے کا اعلان کیا تھا۔