The news is by your side.

Advertisement

منور حسن کا انتقال، وزیراعلیٰ نے اپنی غلطی کا اعتراف کرلیا

کراچی: وزیراعلیٰ سندھ سید مراد علی شاہ نے منور حسن کے کرونا سے انتقال والے بیان پر معذرت کرلی۔

اے آر وائی نیوز کی رپورٹ کے مطابق جمعے کے روز وزیراعلیٰ سندھ نے اسمبلی اجلاس میں خطاب کرتے ہوئے دعویٰ کیا تھا کہ جماعت اسلامی کے سابق امیر منور حسن، معروف مذہبی اسکالر علامہ طالب جوہری کا کرونا سے انتقال ہوا۔

مراد علی شاہ نے دعویٰ کیا تھا کہ مفتی نعیم کے اہل خانہ نے کرونا کا ٹیسٹ کرنے کی اجازت نہیں دی مگر اُن کے اہل خانہ میں اب علامات ظاہر ہورہی ہیں اور وہ کرونا میں مبتلا ہوگئے ہیں۔

مزید پڑھیں: منور حسن اور طالب جوہری کا انتقال کورونا سے ہوا، وزیراعلیٰ سندھ

اسمبلی اجلاس کے بعد صحافیوں سے گفتگو  میں وزیراعلیٰ سندھ نے سید منورحسن کے انتقال سےمتعلق بیان پرمعذرت کی اور کہا کہ ’منورحسن کرونا سے متاثرہ نہیں تھے مجھ سےغلطی ہوئی‘۔

مراد علی شاہ کا کہنا تھا کہ’مجھے ابھی بتایا گیا کہ منور حسن کا انتقال کرونا سے نہیں ہوا بلکہ وہ نمونیہ کا شکار ہوئے تھے‘۔

اجلاس میں خطاب کرتے ہوئے وزیراعلیٰ سندھ کا کہنا تھا کہ ملک بھر میں کرونا سے ہونے والی اموات کی تعداد چار ہزار سے تجاوز کرچکی ہے، سندھ میں 75 ہزار 168 افراد کرونا سے متاثر ہوئے جبکہ صوبے کے 54 فیصد مریض  صحت یاب بھی ہوئے۔ وزیر اعلیٰ نے بتایا کہ سندھ میں کرونا سے ا.5 فیصد مردوں کا انتقال ہوا۔

یہ بھی پڑھیں: وہ کیسے تھے؟ منور حسن کی زندگی پر ایک نظر

مراد علی شاہ نے بتایا کہ سندھ میں کرونا ٹیسٹ کی یومیہ استعداد 14 ہزار ہے، اس معاملے کو وزارت صحت اور میں خود دیکھ رہے ہیں کہ گزشتہ تین روز میں ٹیسٹ کم ہوئے۔

Comments

یہ بھی پڑھیں