The news is by your side.

Advertisement

سندھ روشن کرپشن کیس، وزیر اعلیٰ سندھ نے نیب میں پیش ہوکر سوالات کے جوابات دے دیئے

راولپنڈی : سندھ روشن کرپشن کیس میں وزیر اعلیٰ سندھ مراد علی شاہ نے نیب کے سامنے پیش ہوکر سوالات کے جوابات دے دیئے، اس سے قبل وہ دو بار نیب کی ٹیم کے سامنے پیش ہو چکے ہیں۔

تفصیلات کے مطابق وزیر اعلیٰ سندھ سید مراد علی شاہ سندھ روشن کرپشن کیس میں نیب اولڈ ہیڈکوارٹر پہنچے، اس موقع پر سیکیورٹی کے سخت انتظامات کئے گئے تھے۔

وزیراعلیٰ سندھ مرادعلی شاہ نیب کی کمبائنڈانویسٹی گیشن ٹیم کے سامنے پیش ہوئے ، جے آئی ٹی کی سربراہی ڈی جی نیب راولپنڈی عرفان منگی نے کی۔

نیب کی پانچ رکنی تحقیقاتی ٹیم نے سندھ روشن کرپشن کیس میں مراد علی شاہ سے تقریبا ایک گھنٹہ سے زائد پوچھ گچھ کی، وزیراعلیٰ نے انیس سوالات کے جوابات جمع کروائے جبکہ نیب نے مرادعلی شاہ سے سوالنامے کاتحریری جواب مانگ لیا۔

یاد رہے وزیراعلیٰ سندھ نے 6 جولائی کو پیشی سے معذرت کرلی تھی ، جس پر انھیں آج طلب کیا گیا تھا، مراد علی شاہ اس سے پہلے دو بار نیب کی ٹیم کے سامنے پیش ہو چکے ہیں

خیال رہے وزیر اعلیٰ سندھ مراد علی شاہ پر الزام ہے کہ انہوں نے بطور صوبائی وزیر خزانہ 9 کروڑ روپے رشوت لیکر 4 ارب روپے کے سٹریٹ لائٹس ٹھیکے مختلف کمپنیوں کو دئیے۔

Comments

یہ بھی پڑھیں