The news is by your side.

Advertisement

والدین کیلئے خوشخبری، چھٹیوں کے دوران اسکول فیسوں کے حوالے سے بڑا اعلان

لاہور : وزیراعلیٰ پنجاب عثمان بزدار نے تمام اسکولوں کی فیسوں میں 20فیصد کمی کااعلان کردیا اور کہا تمام اسکول صرف ماہانہ بنیاد پر فیس وصول کریں گے۔

تفصیلات کے مطابق وزیراعلیٰ پنجاب عثمان بزدار نے سماجی رابطے کی ویب سائٹ ٹوئٹر پر کہا کہ چھٹیوں کے دوران پنجاب کے تمام اسکولوں کی فیسوں میں 20 فیصد کمی اور صرف ماہانہ بنیاد پر فیس وصول کرنے کا فیصلہ کیا گیا ہے۔

عثمان بزدار کا کہنا تھا کہ اسکولوں کو تنخواہوں کی مکمل،بروقت ادائیگی کاپابندبنایاجائےگا اور کسی اسکول کو ٹیچرز یا اسٹاف کو نکالنے کی اجازت نہیں ہوگی۔

دوسری جانب وزیرتعلیم پنجاب ڈاکٹر مراد راس نے کہا کہ وزیر اعلی پنجاب سردار عثمان بزدار کی ہدایات پر نجی اسکول چھٹیوں کے دوران فیس 20 فیصد کٹوتی کے ساتھ وصول کریں گے ، فیسوں میں کمی کا یہ فیصلہ اپریل اور مئی کے مہینوں کے لئے کیا گیا ہے۔

ڈاکٹر مراد راس کا کہنا تھا کہ تمام پرائیویٹ اسکول فیس میں 20 فیصد کمی کے فیصلے پر عملدرآمد کرنے اور ماہانہ بنیادوں پر فیس وصول کرنے کے پابند ہوں گے۔

صوبائی وزیر نے مزید کہ کہ اس دوران تمام اسکول اساتذہ اور اسٹاف کی تنخواہوں کی مکمل اور بروقت ادائیگی کا پابند ہوگا اور کسی سکول کو ٹیچرز یا اسٹاف کو نکالنے کی اجازت نہیں دی جائےگی۔

Comments

یہ بھی پڑھیں