The news is by your side.

Advertisement

‘پاکستان میں کورونا وائرس ووہان اورایران کے وائرس سے قدر ے مختلف’

لاہور : وزیراعلیٰ پنجاب عثمان بزدار نے کورونا وائرس پرریسرچ سرگرمیاں تیز کرنے کی ہدایت کردی، ماہرین کا کہنا ہے کہ پاکستان میں کورونا وائرس ووہان اورایران کے وائرس سے قدر ےمختلف ہے۔

تفصیلات کے مطابق وزیراعلیٰ پنجاب عثمان بزدار نے کوروناوائرس پرریسرچ سرگرمیاں تیز کرنے کی ہدایت کردی ، اس حوالے سے یونیورسٹی آف ہیلتھ سائنسزکےزیر اہتمام 4اسٹڈی گروپ قائم کردیئے ہیں اور ریسرچ شروع کردی ہے۔

عثمان بزدارنے کوروناکےسدباب کیلئےجلدازجلد نتیجہ خیز کاوشیں کرنے کی بھی ہدایت کی ہے، ماہرین کا کہنا ہے کہ پاکستان میں کورونا وائرس ووہان اورایران کے وائرس سے قدر ےمختلف ہے۔

وزیراعلیٰ پنجاب نے پرسنل پروٹیکشن اکیوپمنٹ یعنی حفاظتی لباس مقامی طورپر تیارکرنے کا حکم دیا اور بتایا جناح اورپی کے ایل آئی میں بی ایس ایل تھری لیب نے کام شروع کردیا۔

عثمان بزدار کا کہنا تھا کہ کوروناوائرس کو سائنیٹفک انداز میں ٹریٹ کیاجائے،مستقل خاتمہ چاہتے ہیں، 200 بستروں پر مشتمل فیلڈ ہسپتال جلد از جلد قائم کرنا چاہتے ہیں۔

خیال رہے ملک بھر میں کورونا کےکیسزکی تعداد 1296 ہوگئی ہے جبکہ کورونا سے جاں بحق افراد کی تعداد 11 اور 23 افراد کورونا وائرس سےمکمل طور پر صحتياب ہوچکے ہیں۔

پنجاب میں کوروناوائرس کے سب سے زیادہ490 کیسز رپورٹ ہوئے جبکہ سندھ میں457، کے پی میں180 ،بلوچستان میں133 ، گلگت بلتستان میں107،اسلام آبادمیں39،آزادکشمیر میں2کیسز رپورٹ ہوئے۔

fb-share-icon0
Tweet 20

Comments

comments

یہ بھی پڑھیں