فائنل میں پہنچنے کیلئے کارکردگی دکھا کر بنگلادیش سے جیتنا ہوگا،عثمان بزدار
The news is by your side.

Advertisement

فائنل میں پہنچنے کیلئے کارکردگی دکھا کر بنگلہ دیش سے جیتنا ہوگا،عثمان بزدار

لاہور:وزیراعلیٰ پنجاب عثمان بزدار کا کہنا ہے کہ فائنل میں پہنچنے کیلئےکارکردگی دکھا کربنگلہ دیش سے جیتنا ہوگا، نیک خواہشات اور دعائیں قومی کرکٹ ٹیم کے ساتھ ہیں۔

تفصیلات کے مطابق وزیراعلیٰ پنجاب نے قومی کرکٹ ٹیم کے لیے نیک خواہشات کا اظہار کرتے ہوئے کہا فائنل میں پہنچنے کیلئے کارکردگی دکھاکر بنگلہ دیش سےجیتنا ہوگا۔

عثمان بزدار کا کہنا تھا کہ تمام صلاحیتوں کا مظاہرہ کرنے کی ضرورت ہے، میدان میں انفرادی کی بجائے ٹیم ورک کا مظاہرہ کرنا ہوگا۔

وزیراعلیٰ پنجاب نے کہا امید ہے ٹیم بنگلہ دیش کے خلاف فتح حاصل کرکے فائنل کھیلے گی، نیک خواہشات اور دعائیں قومی کرکٹ ٹیم کے ساتھ ہیں۔

یاد رہے پاکستان اور بنگلہ دیش کے درمیان ایشیا کپ میں ڈو اینڈ ڈائی مقابلہ آج ابوظہبی میں ہوگا، جیتنے والی ٹیم فائنل میں بھارت کے مدمقابل آئے گی۔

سنسنی خیز مقابلہ شام ساڑھے چار بجے شرو ع ہوگا۔

خیال رہے ایشیا کپ میں سپر فور مرحلے میں بھارت  ٹیم پہلے ، پاکستان دوسرے اور بنگلہ دیش تیسرے نمبر پر ہے، جبکہ پاکستان کو بھارت سے دونوں میچوں میں شکست کا سامنا کرنا پڑا ۔

Comments

comments

یہ بھی پڑھیں