The news is by your side.

Advertisement

وزیراعلیٰ پنجاب کا پی ٹی آئی کے گرفتار کارکنوں کی رہائی کا حکم

لاہور: وزیر اعلیٰ پنجاب شہباز شریف نے پاکستان تحریک انصاف کے گرفتار کارکنوں کی رہائی کے احکاما ت جاری کردیے، پنجاب بھر میں ہونے والے کریک ڈائون کے بعد سے تحریک انصاف کے سیکڑوں کارکنان اور ضلعی رہنما تھانوں اور جیلوں میں بند ہیں۔


یہ پڑھیں: پنجاب بھر میں کریک ڈاؤن، سیکڑوں پی ٹی آئی کارکنان گرفتار،سینیٹر کامل آغا کے گھر چھاپہ


اطلاعات کے مطابق وزیراعلیٰ پنجاب شہباز شریف نے پاکستان تحریک انصاف کے پنجاب بھر میں گرفتار کارکنوں کی رہائی کے احکامات جاری کردیے ہیں اور کہا ہے کہ متعلقہ حکام کو ہدایات جاری کردی ہیں۔

یہ بھی پڑھیں: پنجاب بھر میں پولیس کا کریک ڈاؤن، تحریک انصاف کے متعدد کارکن گرفتار

اسلام آباد دھرنے کے اعلان کے بعد سے تحریک انصاف اور اتحادی جماعتوں کے خلاف پنجاب بھر میں بڑا کریک ڈائون کیا گیا جس میں سیکڑوں کارکنوں اور متعدد ضلعی رہنماؤں کو گرفتار کرلیا گیا تھا۔

 بنی گالہ: پولیس کی شیلنگ‘ درجنوں کارکنان گرفتار

پولیس اور ایف سی نے تحریک انصاف کے خلاف بنی گالہ میں بھی کریک ڈاؤن کرتے ہوئے درجنوں کارکنان کو حراست میں لے لیا تھا،اس دوران لاٹھی  چارج بھی کیا گیا اور شدید شیلنگ بھی کی گئی۔

بنی گالہ جانے کی کوشش کرتی تحریک انصاف کی خواتین کارکن گرفتار

تحریک انصاف کے کارکنوں کی گرفتاری کے ساتھ ساتھ اسلام آباد پولیس نے خواتین کو بھی نہ چھوڑا اور مزاحمت کرنے والی خواتین کو برے طریقے سے گھسیٹ کر گرفتار کرلیا گیا۔

اسلام آباد: پی ٹی آئی اور پولیس میں ہاتھا پائی، متعدد کارکنان گرفتار

اسلام آباد میں پی ٹی آئی کے کنونشن کے دوران پولیس اور کارکنوں میں ہاتھا پائی ہوگئی تھی  پولیس نے کئی کارکنوں کو گرفتار کرلیا تھا، شاہ محمود قریشی بیچ بچائو کراتے رہے لیکن ان کی ایک نہ چلی اور ان کے میڈیا سے بات چیت کرنے کے دوران بھی پولیس ایک ایک کرکے کارکنوں کو گرفتار کرتی رہی۔

 لال حویلی پر کریک ڈاؤن، 500 کارکن گرفتار، راستے سیل

راولپنڈی پولیس نے مختلف شہروں کی طرح شیخ رشید کی رہائش گاہ لال حویلی کے باہر کریک ڈاؤن کرتے ہوئے عوامی مسلم لیگ اور تحریک انصاف کے 500 سے زائد کارکنوں اور حامیوں کو گرفتار کرلیا تھا۔

پی ٹی آئی کی حمایت: اداکار کاشف محمود کی گرفتاری و رہائی

قبل ازیں لاہور پولیس نے پاکستان تحریک انصاف کی حمایت پر اداکار کاشف محمود کو ان کے گھر پر چھاپہ مارکر گرفتار کیا اور ایک ریلی کے دوران بنی گالہ سے گلوکار سلمان احمد کو حراست میں لے لیا، تحریک انصاف کے رہنما عمران اسماعیل اور رکن قومی اسمبلی عارف علوی کو گرفتار کیا تاہم ان سب رہنمائوں کو گرفتاری کے کچھ دیر بعد ہی رہا کردیا گیا تھا۔

Print Friendly, PDF & Email

Comments

comments

یہ بھی پڑھیں