لاہور: وزیراعلیٰ پنجاب چوہدری پرویز الہٰی نے پی ڈی ایم جماعتوں کو سیلاب پر سیاست کرنے پر تنقید کا نشانہ بنایا ہے۔
وزیراعلیٰ پنجاب نے اپنے ایک بیان میں پی ڈی ایم جماعتوں کی جانب سے سیلاب پر سیاست کو قابل مذمت قرار دیتے ہوئے کہا کہ اس معاملے پر سیاست چمکانے والوں کی عقل پر ماتم ہی کیا جاسکتا ہے۔
پرویز الٰہی نے کہا کہ پی ڈی ایم میں شامل جماعتوں کے رہنما بےحس ہیں، انہیں سیلاب متاثرین کی کوئی پرواہ نہیں، پنجاب حکومت نے متاثرین کی مدد کیلئے ہر ممکن ضروری اقدام اٹھایا ہے۔
انہوں نے کہا کہ پی ڈی ایم کی ساری جماعتیں زبانی جمع خرچ پر لگی ہوئی ہیں، ان لوگوں نے ہمیشہ ذاتی مفادات کی سیاست کو پروان چڑھایا ہے، دکھی انسانیت کی خدمت نہیں کرسکتے تو زخموں پر نمک بھی نہ چھڑکیں۔
Comments
- Advertisement -
