site
stats
پاکستان

مجرموں کوعبرت ناک سزا دیں گے: وزیراعلیٰ پنجاب

لاہور: وزیراعلیٰ پنجاب شہباز شریف نے کہا کہ بزدلانہ کارروائیاں قوم کےعزم کو غیر متزلزل نہیں کرسکتی ہیں،دشمنوں کی گھناؤنی سازش ہے کہ پاکستان ترقی نہ کرئے، ہم ان کے عزائم کو پسپا کردیں گے.

تفصیلات کے مطابق وزیراعلیٰ پنجاب شہباز شریف کا کہنا ہے کہ معصوم انسانوں کے خون سے ہاتھ رنگنے والے کیفر کردار تک پہنچیں گے، دشمنوں کی گھناؤنی سازش ہے کہ پاکستان ترقی نہ کرئے، ہم ان کو شکست دیں گے.

انہوں نے کہا کہ واقعے میں قیمتی انسانی جانوں کے ضیاع پر ہرآنکھ اشکبار ہے، وطن کی سلامتی کے لئے شہید مبین اور شہید زاہد گوندل اوراہلکاروں نے جان کے نذرانے پیش کیے، شہید افسروں اوراہلکاروں نے فرض شناسی کی اعلیٰ مثال قائم کی.

وزیراعلی پنجاب نے کہا کہ دیگر شہریوں کی شہادت پر بھی دلی صدمہ ہے، قوم شہدا کی لازوال قربانی ہمیشہ یاد رکھے گی، دہشت گرد انسانیت کےسفاک دشمن ہیں،قوم جاں بحق ہونے والوں کے لواحقین کےغم میں برابرکی شریک ہے

شہباز شریف نے کہا کہ بزدلانہ کارروائیاں قوم کےعزم کو غیر متزلزل نہیں کرسکتی ہیں ، دہشت گردوں کے ناپاک وجود سے پاک سرزمین کوپاک کرکے رہیں گے،دہشت گردی کے خلاف جنگ میں پاکستانی قوم ضرور سرخرو ہوگی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top