پنجاب میں کرپشن کسی صورت برداشت نہیں کریں گے‘ وزیراعلیٰ پنجاب -
The news is by your side.

Advertisement

پنجاب میں کرپشن کسی صورت برداشت نہیں کریں گے‘ وزیراعلیٰ پنجاب

لاہور: وزیراعلیٰ پنجاب سردار عثمان بزدار کا کہنا ہے کہ پنجاب کرپشن کسی صورت برداشت نہیں کریں گے۔

تفصیلات کے مطابق وزیراعلیٰ پنجاب سردار عثمان بزدار نے لاہور کے ریس کورس پارک میں نماز عید ادا کی اور قوم کو عیدالاضحیٰ کی مبارکباد پیش کی۔

نمازعید کی ادائیگی کے بعد میڈیا سے گفتگو کرتے ہوئے وزیراعلیٰ پنجاب کا کہنا تھا کہ قوم کو عیدالاضحیٰ اورنئے پاکستان کی مبارکباد دیتا ہوں۔

سردار عثمان بزدار کا کہنا تھا کہ یہ عید پاکستان میں تبدیلی کی بنیاد بنی ہے، نئے پاکستان کی خوشی نے عید کی خوشیوں کو دوبالا کردیا ہے۔

انہوں نے کہا کہ عید پرمحروم طبقے کے ساتھ خوشیاں بانٹنا قومی ودینی فریضہ ہے، وطن کی حفاظت کے لیے جانوں کا نذرانہ پیش کرنے والوں کو یاد رکھنا ہے۔

وزیراعلیٰ پنجاب کا کہنا تھا کہ پنجاب میں کرپشن کسی صورت برداشت نہیں کریں گے، نہ ہم کرپشن کریں گے نہ کسی اور کو کرنے دیں گے۔

سردار عثمان بزدار کا کہنا تھا کہ صوبے میں جلد خیبرپختونخواہ طرز کی پولیس اصلاحات لائیں گے۔

انہوں نے کہا کہ ہمارا مقصد صرف کام کام اور صرف کام ہے، ہمیں تبدیلی لانی ہے جو آسان کام نہیں، اس کے لیے بھرپور محنت کریں گے۔

Comments

comments

یہ بھی پڑھیں