The news is by your side.

Advertisement

ہماری طرف سے نگراں وزیر اعلیٰ ناصر سعید کھوسہ ہی ہوں گے: شہباز شریف

لاہور: وزیر اعلیٰ پنجاب شہباز شریف نے کہا ہے کہ ہماری طرف سے پنجاب کے نگراں وزیر اعلیٰ ناصر سعید کھوسہ ہی ہوں گے اور ان کے نام کی سمری گورنر کو بھجوائی جاچکی ہے۔

ان خیالات کا اظہار انہوں نے پنجاب کابینہ کے آخری رسمی اجلاس سے خطاب کرتے ہوئے کیا، شہباز شریف کا کہنا تھا کہ اپوزیشن کے اگر نئے نام آئے تو بھی ہم ناصر سعید کھوسہ کی حمایت کریں گے۔

وزیر اعلیٰ پنجاب کا مزید کہنا تھا کہ اپوزیشن نام دینے سے پہلے اور بعد میں کیا سورہی تھی؟ پنجاب کے نگراں وزیر اعلیٰ کے نام پر اتفاق کرنے کے بعد نام واپس لینا نہیں چاہیے تھا۔


نگراں وزیراعلیٰ پنجاب: پی ٹی آئی نے ناصر کھوسہ کا نام واپس لے لیا


دوسری جانب ذرائع کا کہنا ہے کہ ناصر سعید کھوسہ رائیونڈ روڈ کیس میں  ملوث ہیں، نیب تفتیش کے لیے ناصر سعید کھوسہ کو طلب بھی کرچکی ہے، ناصر سعید کھوسہ بطور سابق ڈی سی لاہور 2 ہفتے پہلے نیب میں پیش ہوئے تھے۔

ذرائع کا کہنا تھاکہ مشاورت سے نامزد نگراں وزیر اعلیٰ کو ہٹانے کا کوئی آئینی طریقہ نہیں ہے جبکہ نامزد نگراں وزیر اعلیٰ ہی اپنا نام خود واپس لے سکتے ہیں۔

خیال رہے کہ آج پنجاب کے اپوزیشن لیڈر اور تحریک انصاف کے رہنما محمود الرشید نے کہا ہے کہ نگراں وزیر اعلیٰ کے لیے ناصر کھوسہ کا نام واپس لے رہے ہیں، نگراں وزیر اعلیٰ کے نام پر عوام کی جانب سے مخالفت کی آوازیں آرہی ہیں۔


سو دن میں ملک کی تقدیربدلنے کے دعوے دار نگران وزیراعلیٰ کا بھی فیصلہ نہ کرسکے: احسن اقبال


انہوں نے یہ بھی کہا تھا کہ نگراں وزیر اعلیٰ کا نام واپس لے رہے ہیں، نئے نام کا اعلان مشاورت کے بعد کیا جائے گا، ناصر کھوسہ کے نام پرپارٹی کی کورکمیٹی نے عوامی تحفظات کا جائزہ لیا ہے جس کے بعد یہ فیصلہ کیا گیا ہے، پارٹی کے اندر سے بھی اس نام پر آوازیں آرہی تھیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں