پنجاب پولیس نےاپناخون دےکردہشتگردوں کا مقابلہ کیا‘ وزیراعلیٰ پنجاب -
The news is by your side.

Advertisement

پنجاب پولیس نےاپناخون دےکردہشتگردوں کا مقابلہ کیا‘ وزیراعلیٰ پنجاب

لاہور: وزیراعلیٰ پنجاب شہبازشریف کاکہناہےکہ پنجاب میں1998میں ایلیٹ فورس قائم کی گئی تھی جسےآمریت کےدور میں پروٹوکول پرلگادیاگیا۔

تفصیلات کےمطابق لاہور میں پنجاب کے تھانوں کو کمپیوٹرائز کرنے کے سسٹم کا افتتاح کرنے سے پہلے پولیس کے چاق و چوبند دستے نے وزیراعظم کو سلامی دی۔ اس موقع پرگورنر پنجاب ،وزیراعلیٰ پنجاب اور اسپیکر قومی اسمبلی بھی وزیراعظم کے ہمراہ تھے۔

بعدازاں پنجاب پولیس میں تھانوں کو کمپیوٹرائز کرنے کی تقریب سے خطاب کرتے ہوئےوزیراعلیٰ پنجاب شہبازشریف نےکہاکہ وزیراعظم نوازشریف کی تقریب میں شرکت سےپنجاب پولیس کاحوصلہ بلندہوا۔

شہبازشریف نےنظام کوجدیدبنانےپرآئی جی پنجاب پولیس کومبارکبادپیش کرتے ہوئےکہاکہ پنجاب پولیس کےشہداکےلواحقین آج کی تقریب کےہیروہیں۔انہوں نےکہاکہ شہداکےخاندانوں کےلیےوزیراعظم نوازشریف کےاعلان کردہ پیکج پرعمل ہورہاہے۔

وزیراعلیٰ پنجاب شہبازشریف کا کہناتھاکہ2013میں انسداددہشت گردی کامحکمہ قائم کیاگیاجوآج ایک شاندار فورس بن چکی ہے۔

دوسری جانب آئی جی پنجاب پولیس مشتاق سکھیرا نے آج کےدن کو پنجاب پولیس کی تاریخ کا سنہرادن قراردیتے ہوئےکہاکہ پولیس کاڈیڑھ سوسالہ پرانانظام تبدیل کررہے ہیں۔

مشتاق سکھیرا کا کہناتھاکہ نئےنظام کےتحت پنجاب کےتھانوں میں مقدمات کااندراج کمپیوٹرپرہورہاہے جس سےشہریوں کےلیےآسانیاں پیداہوں گی۔

آئی جی پنجاب پولیس نےکہاکہ پنجاب پولیس کےجدیدنظام کادائرہ پورےملک میں پھیلایاجاناچاہیے اس نظام سےملک میں امن وامان سے متعلق انقلابی تبدیلی آئے گی۔

Comments

comments

یہ بھی پڑھیں