site
stats
پاکستان

اب پنجاب میں اراضی کے مسائل پیدا نہیں ہوں گے،شہبازشریف

لاہور:وزیراعلیٰ پنجاب شہبازشریف کا کہناہےکہ کرپٹ نظام سے نجات کے لیے جان دے دیں گے،پٹواری کا بستہ ختم کردیا ہے،جلد پٹواری کی بھی چھٹی کرادیں گے۔

تفصیلات کےمطابق لاہور میں پنجاب لینڈ ریکارڈ کمپیوٹرائزیشن کی تقریب سے خطاب کرتے ہوئے وزیراعلٰی شہباز شریف کا کہنا تھا کہ اب پنجاب میں اراضی کے مسائل پیدا نہیں ہوں گے۔

انہوں نے کہا کہ اب لینڈ ریکارڈ کمپیوٹرائزڈ نظام پنجاب کی 143 تحصیلوں میں رواں دواں ہے،جبکہ لاہور اور راولپنڈی میں اس کا بیک اپ رکھا گیا ہے۔

شہبازشریف کا کہناتھا کہ پورے نظام کی حفاظت کو یقینی بنایا گیا ہے،فراڈ اور دھوکہ دہی نہیں ہوگی۔

انہوں نے دعوٰی کیا کہ لینڈ ریکارڈ سسٹم کی بنیاد 1997 میں ن لیگ نے رکھی تھی۔ان کا کہنا تھا کہ پٹواریوں نے قوم کو خوب لوٹا،جلدان کی چھٹی کرادیں گے۔

وزیراعلیٰ پنجاب شہبازشریف نے اعتراف کیا کہ کرپٹ افسران نے پانچ سے چھ لاکھ روپے میں تعیناتیاں کرائیں۔

شہبازشریف کا کہنا تھا کہ پرویز مشرف کا پلی بارگین والا نیب قانون اب نہیں چلے گا، قوم سے لوٹا گیا ایک ایک پیسہ وصول کریں گے۔

واضح رہے کہ وزیراعلٰی پنجاب شہبازشریف نے کہا کہ لینڈ ریکارڈ کے شعبہ میں 477 بھرتیاں ہوئیں، جس میں سے صرف 38 میرٹ پر تھیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top