The news is by your side.

Advertisement

نیا پاکستان کا دعویٰ کرنیوالے ملک کا بیڑا غرق کررہےہیں، شہبازشریف

لاہور : وزیر اعلیٰ پنجاب شہباز شریف نے کہا ہے کہ نیاپاکستان بنانے کے دعویدار پرانے پاکستان کا بیڑا غرق کررہےہیں، ملک بدل رہا ہے، بدقسمتی سے چند سیاستدانوں کی سوچ نہیں بدلی۔

ان خیالات کا اظہار انہوں نے لاہور میں منتخب نمائندوں سے ملاقات کے موقع پر گفتگو کرتے ہوئے کہی، شہباز شریف نے کہا کہ جب تک سانس میں سانس ہے،عوام کی خدمت کرتارہوں گا۔

ماضی کی حکومتوں نے قومی وسائل کو بے دردی سے لوٹا، مخالفین بھی ہمارے منصوبوں میں شفافیت پر انگلی نہیں اٹھا سکتے، ان کا کہنا تھاکہ یہ سال عوام سے کئے گئے وعدوں کی تکمیل کا سال ہے اب پاکستان میں الزام تراشی نہیں، خدمت کی سیاست ہوگی۔

انہوں نے عمران خان کا نام لیے بغیر کہا کہ تیز رفتاری سے ترقی کرتا ہوا پاکستان بعض سیاسی عناصر کو کھٹک رہا ہے، ملک بدل رہا ہے، بدقسمتی سے چند سیاستدانوں کی سوچ نہیں بدلی۔

عوام ان شکست خوردہ عناصر کے جھانسے میں نہیں آئیں گے، وزیراعلیٰ پنجاب نے مزید کہا کہ پنجاب حکومت نے ترقیاتی منصوبوں میں 220 ارب روپے کے قومی وسائل بچائے ہیں۔


مزید پڑھیں : سابق حکمرانوں نے قومی معیشت کا جنازہ نکالا: شہباز شریف


پاکستان کی 70 سالہ تاریخ میں اربوں روپے کی ایسی بچت کی کوئی مثال موجود نہیں۔ عوام آئندہ الیکشن میں بھی شفافیت کی سیاست کوکامیاب کرائیں گے۔

Print Friendly, PDF & Email

Comments

comments

یہ بھی پڑھیں