The news is by your side.

Advertisement

وزیراعلیٰ پنجاب شہبازشریف کی گورنرسندھ سے ملاقات

کراچی : وزیراعلیٰ پنجاب شہبازشریف کی گورنر سندھ محمد زبیر سے ملاقات ہوئی جس میں ملک اور خصوصاََ سندھ کی سیاسی صورت حال پر تبادلہ خیال کیا گیا۔

تفصیلات کے مطابق گورنرہاؤس میں وزیراعلیٰ پنجاب اور مسلم لیگ ن کے صدر شہبازشریف اور گورنرسندھ محمد زبیر کی ملاقات ہوئی، جس میں امن وامان کی صورت حال، معاشی کامیابیوں اورتوانائی سمیت دیگرامورپربات چیت کی گئی۔

اس موقع پر وزیراعلیٰ پنجاب شہبازشریف کا کہنا تھا کہ مسلم لیگ ن عوام کی فلاح وبہبود کے لیے ترقیاتی ایجنڈے کا وژن رکھتی ہے، اللہ تعالیٰ نےموقع دیا توسندھ کے شہروں کی حالت بدل دیں گے

اس موقع پر شہبازشریف کا کہنا تھا کہ مسلم لیگ(ن) عوام کی فلاح وبہبود کیلئے ترقیاتی ایجنڈے کا ویژن رکھتی ہے، اللہ نےموقع دیا تو سندھ کے تمام شہروں کی حالت بدل دیں گے، ترقی سندھ کےشہریوں کابھی حق ہے۔

مسلم لیگ ن کے صدر شہبازشریف سے گفتگو کے دوران گورنرسندھ محمد زبیر کا کہنا تھا کہ امن وامان، توانائی صورت حال میں بہتری وفاقی حکومت کی کاوشوں کا ثمرہے، ملکی ترقی اورعوام کی خوشحالی کے لیے سب کومل کرکام کرنا ہوگا۔

گورنرسندھ کا کہنا تھا کہ کراچی معاشی حب ہے، کوئی بھی سرگرمی معیشت پراثراندازہوتی ہے جبکہ امن وامان، توانائی صورت حال اسے سرمایہ کاری کے لیے پرکشش بناتی ہے۔

وزیراعلیٰ پنجاب شہبازشریف ایک روزہ دورے پرکراچی پہنچ گئے

خیال رہے کہ وزیراعلیٰ پنجاب شہبازشریف ایک روزہ دورے کے دوران مسلم لیگ ن سندھ اور کراچی کے عہدیداران اور بلدیاتی نمائندوں اور اقلیتی پارٹی رہنماؤں سے ملاقات کریں گے۔

مسلم لیگ ن کے صدر ن لیگی خواتین اور یوتھ ونگ کے رہنماؤں سمیت وکلا اور بزنس کمیونٹی کے وفد سے بھی ملاقات کریں گے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں