لاہور: دھرنے مسائل کا حل نہیں،وزیراعلیٰ پنجاب شہباز شریف -
The news is by your side.

Advertisement

لاہور: دھرنے مسائل کا حل نہیں،وزیراعلیٰ پنجاب شہباز شریف

لاہور: وزیراعلیٰ پنجاب شہباز شریف نے کہا ہے کہ دھرنے مسائل کا حل نہیں،عوام اب کسی کو ترقی کے سفر میں رکاوٹیں ڈالنے کی اجازت نہیں دیں گے.

تفصیلات کے مطابق لاہور میں مسلم لیگ (ن) کے اراکین اسمبلی کے وفد سے گفتگو کرتے ہوئے وزیراعلیٰ شہباز شریف کا کہنا تھا کہ وزیراعظم نوازشریف کی قیادت میں ملک و قوم کی ترقی وخوشحالی کا سفر کامیابی سے طے کریں گے، آج کا پاکستان 2013ء کے مقابلے میں کہیں بہتر ،پرامن اور معاشی طور پر مضبوط ہے.

انہوں نے کہا کہ وزیر اعظم نوازشریف کی ٹھوس معاشی پالیسیوں کے باعث قومی معیشت بہتر ہوئی ہے،زرمبادلہ کے ذخائر ملک کی تاریخ کی ریکارڈ سطح پر پہنچ چکے ہیں.

وزیراعلیٰ کا کہنا تھا کہ ملک کو مسائل سے نکالنے کے لیے ان کی کاوشیں بار آور ثابت ہو رہی ہیں،توانائی بحران کے خاتمے کےلیے دن رات کی جدوجہد رنگ لائے گی، جلد ملک سے اندھیرے چھٹ جائیں گے اور 2018ء میں ملک ”روشن پاکستان“ ہو گا.

شہباز شریف نے کہا کہ دھرنے مسائل کا حل نہیں،ترقی کا راستہ روکنے والے کسی طور پر عوام کے خیر خواہ نہیں،عوام اب کسی کو ترقی کے سفر میں رکاوٹیں ڈالنے کی اجازت نہیں دیں گے،انہوں نے کہا کہ ملک کو ترقی کی راہ پر گامزن کرنے کیلئے ہم سب کو ملکر کام کرنا ہے.

Comments

comments

یہ بھی پڑھیں