The news is by your side.

Advertisement

لاہور: پنجاب بھر میں بیوروکریٹس کے بڑے پیمانے پر تقرری و تبادلے

لاہور : وزیر اعلیٰ پنجاب عثمان بزدار  نے صوبے بھر میں بیورو کریٹس کے بڑے پیمانے پر تقرری و تبادلوں کے احکامات جاری کردیئے۔

جاری کردہ نوٹی فکیشن کے مطابق ڈی سی لاہور انوارالحق کی خدمات وزیر اعلیٰ سیکریٹریٹ کے سپرد کی گئیں ہیں، تقرری کی منتظر صالحہ سعید ڈی سی لاہور تعینات کردی گئیں۔

ڈی سی حافظ آباد عدنان ارشد ایڈیشنل سیکریٹری محکمہ داخلہ تعینات کیے گئئے ہیں، ڈائریکٹر اینٹی کرپشن نوید شہزاد ڈی سی حافظ آباد جبکہ سہیل خواجہ ڈی سی جہلم تعینات کیے گئے ہیں، عمران قریشی کی خدمات رنگ روڈ اتھارٹی کے سپرد کی گئیں۔

نوٹی فکیشن کے مطابق ایڈیشنل سیکریٹری انفارمیشن اینڈ کلچر ڈی سی اٹک تعینات کیے گئے ہیں جبکہ ڈی سی میانوالی زاہداقبال کا تبادلہ کرکے ڈائریکٹرمحکمہ بلدیات فیصل آباد تعینات کردیا گیاہے۔

شعیب جدون ڈی سی میانوالی تعینات اور ڈی سی چکوال غلام صغیر کا بھی تبادلہ کردیا گیا، عبدالستارڈی سی چکوال اورارشد منظور ڈی سی خوشاب تعینات کیے گئے ہیں، ڈی سی ساہیوال زمان وٹو کو تبدیل کرکے سید اللہ ڈوگر کو تعینات کیا گیا ہے۔

ڈی سی لودھراں ثاقب علی کا بھی تبادلہ کردیا گیا، راؤامتیاز ڈی سی لودھراں تعینات کیے گئے ہیں، ڈی سی بہاولپور ایوب خان کو تبدیل کرکے ایڈیشنل سیکریٹری یوتھ افیئرز تعینات کیاگیا ہے۔

نوٹی فکیشن کے مطابق وزیر اعلیٰ کے اسٹاف آفیسر شوزب سعید ڈی سی بہاولپور تعینات، احتشام انور ڈی سی مظفر گڑھ اور بابر بشیر ڈی سی لیہ تعینات کیے گئے ہیں، الطاف بلوچ ڈی سی راجن پور، امان انورڈی سی چنیوٹ تعینات کیے گئے ہیں۔

ایڈیشنل سیکریٹری محکمہ داخلہ مریم خان ڈی سی قصور تعینات کیے گئے ہیں جبکہ ایڈیشنل سیکریٹری ہائیر ایجوکیشن احمد کمال کو ڈی سی پاکپتن تعینات کیا گیا ہے۔

Comments

comments

یہ بھی پڑھیں