The news is by your side.

Advertisement

حکومت پنجاب کے لاک ڈاؤن میں نرمی کے حوالے سے اہم فیصلے

لاہور : حکومت پنجاب نے لاک ڈاؤن میں نرمی کے حوالے سے اہم فیصلے کرتے ہوئے سیحی برادری کوگرجا گھروں میں اتوارکےدن عبادت کرنے اور آٹو موبائل انڈسٹری کھولنے کی اجازت دے دی۔

تفصیلات کے مطابق حکومت پنجاب کی جانب سے لاک ڈاؤن میں نرمی کے حوالے سے اہم فیصلے کئے گئے، وزیراعلیٰ پنجاب عثمان بزدار کی زیرصدارت کمیٹی انسداد کورونا کا اجلاس ہوا، جس میں مسیحی برادری کوگرجا گھروں میں اتوارکےدن عبادت کرنےکی اجازت کا فیصلہ کیا گیا۔

پنجاب میں انٹرسٹی ٹرانسپورٹ اور آٹو موبائل انڈسٹری کھولنےکی اجازت دےدی گئی جبکہ موبائل انڈسٹری سےملحقہ تمام انڈسٹریزکوبھی کام کرنےکی اجازت دے دی ہے۔

وزیراطلاعات پنجاب فیاض چوہان نے کہا کہ انٹرسٹی بس کھولنےکافیصلہ 20فیصدکرائےمیں کمی ہوگی، ایس او پیزکےمطابق شاپنگ مالزبھی کھول دیئے جائیں گے، پاورلومزاوراس سےمنسلک انڈسٹریزکھولنے کا فیصلہ کیا ہے اور آٹوموبائلز اوراس سےمتعلقہ انڈسٹریز بھی کھول دی جائیں گی۔

فیاض چوہان کا کہنا تھا کہ یہ تمام فیصلے کابینہ کمیٹی انسدادکورونااجلاس میں کیےگئےہیں، اجلاس کی قیادت وزیراعلیٰ پنجاب عثمان بزدارنےکی، وزیرقانون،اطلاعات، وزیرخزانہ ، وزیر صنعت وتجارت نے شرکت کی۔

انھوں نے بتایا کہ لاک ڈاؤن میں نرمی کافیصلہ عوام کو ریلیف دینےکےپیش نظرکیاگیاہے، پنجاب میں مزید صنعتوں میں نرمی دینےکافیصلہ بھی کیا ہے اور کہا کہ لو رسک انڈسٹری، موبائل ہینڈسیٹس انڈسٹری کھولی جائیگی جبکہ ٹوموبائل انڈسٹری 7 دن کھلے گی۔

Comments

یہ بھی پڑھیں