عمران خان کے نئے پاکستان کے خواب کو حقیقت میں بدلنا ہے، عثمان بزدار usman buzdar
The news is by your side.

Advertisement

عمران خان کے نئے پاکستان کے خواب کو حقیقت میں بدلنا ہے، عثمان بزدار

لاہور: وزیراعلیٰ پنجاب عثمان بزدار نے کہا ہے کہ عمران خان کے نئے پاکستان کے خواب کو حقیقت میں بدلنا ہے، گڈ گورننس کو فروغ دیں گے، کرپشن برداشت نہیں کروں گا۔

تفصیلات کے مطابق وزیر اعلیٰ پنجاب کی زیر صدارت محکمہ منصوبہ بندی و ترقیاتی میں اجلاس ہوا، وزیراعلیٰ پنجاب کو ترقیاتی پروگرام اور بجٹ سے متعلق بریفنگ دی گئی۔

انہوں نے کہا کہ جس طرح محکمہ منصوبہ بندی و ترقیات میں آیا ہوں اسی طرح ہر محکمے میں خود جاؤں گا، پنجاب میں ہر محکمے سے براہ راست رابطہ رکھوں گا، ضلعی اور ڈویژنل ہیدکوارٹرز کے بھی دورے کروں گا۔

وزیر اعلیٰ پنجاب عثمان بزدار نے کہا کہ نئے پاکستان میں کرپٹ عناصر کا کوئی کردار نہیں ہے، عمران خان کا ایجنڈا صرف عوام کی خدمت ہے، سب نے مل کر عوام کی خدمت کے مشن کو پورا کرنا ہے۔

عثمان بزدار نے کہا کہ سب کو ساتھ لے کر چلیں گے اور مشاورت سے فیصلے ہوں گے، جب بھی نئی حکومت آتی ہے تو ردوبدل ہوتا ہے، یقین دلاتا ہوں ہم نے ردوبدل نہیں کرنا ہے۔

انہوں نے کہا کہ ہر محکمے سے براہ راست رابطہ رکھوں گا، جنوبی پنجاب کو حقیقی معنوں میں اوپر لے کر جانا ہے، جنوبی پنجاب کے لوگوں کی حالت زار کا احساس ہے۔

وزیر اعلیٰ پنجاب نے کہا کہ ہم نئے جذبے کے تحت عوام کی خدمت کریں گے، میرے ساتھ مل کر تبدیلی کے سفر کی تکمیل کریں، ہم نے پنجاب میں حقیقی تبدیلی لانی ہے لیکن یہ تبدیلی اسی وقت ہوگی جب ہم ایک ساتھ چلیں گے۔

Comments

comments

یہ بھی پڑھیں