The news is by your side.

Advertisement

ہمارے دروازے ملکی اور غیر ملکی سرمایہ کاروں کے لیے کھلے ہیں، وزیراعلیٰ پنجاب

لاہور : وزیراعلیٰ پنجاب عثمان بزدار نے ابوظہبی گروپ کے سی ای او سے ملاقات میں کہا ہمیں خوشی ہو گی کہ سرمایہ کاری کے نئے مواقع سے فائدہ اٹھائیں، ہمارے دروازے ملکی اور غیر ملکی سرمایہ کاروں کےلیےکھلے ہیں۔

تفصیلات کے مطابق وزیراعلیٰ پنجاب عثمان بزدار سے ابو ظہبی گروپ کی سی ای او کی ملاقات ہوئی ، ملاقات میں عثمان بزدار نے کہا پنجاب میں سرمایہ کاروں کیلئےبے پناہ مواقع ہیں، نیا پاکستان سرمایہ کاروں کیلئے کھلا ہے۔

وزیراعلیٰ پنجاب کا کہنا تھا سرمایہ کاروں کو ہر ممکن سہولت فراہم کر رہے ہیں ، ہمیں خوشی ہو گی کہ سرمایہ کاری کے نئے مواقع سے فائدہ اٹھائیں، ہمارے دروازے ملکی اور غیر ملکی سرمایہ کاروں کےلیےکھلے ہیں۔

مزید پڑھیں : حکومت پنجاب کا سرمایہ کاری کے فروغ کے لئے انویسٹمنٹ کانفرنس کرانے کا اعلان

یاد رہے جنوری میں وزیراعلیٰ پنجاب نے صوبے میں سرمایہ کاری کے فروغ کے لئے جلد انویسٹمنٹ کانفرنس کرانے کا اعلان کرتے ہوئے کہا تھا پاکستان خصوصاً پنجاب میں سرمایہ کاری کے لئے سازگارماحول ہے، موجودہ حکومت نے بزنس فرینڈلی ماحول کو فروغ دیا، حکومت سرمایہ کاروں کو ہر ممکن سہولتیں دے گی۔

عثمان بزدار کا کہنا تھا سرمایہ کارمختلف شعبوں میں سرمایہ کاری کے لئے جامع بزنس پلان پیش کریں، پنجاب حکومت اس ضمن میں تیزی سےاقدامات کرے گی۔

Comments

comments

یہ بھی پڑھیں