The news is by your side.

Advertisement

یہ بچے ہمارے گلشن کا پھول ہیں: وزیرِ اعلیٰ پنجاب کی تھیلیسیمیا کے بچوں سے ملاقات

لاہور: وزیرِ اعلیٰ پنجاب عثمان بزدار نے تھیلیسیمیا کے مریضوں کے اعزاز میں تقریب سے خطاب کرتے ہوئے کہا کہ یہ بچے ہمارے گلشن کا پھول ہیں۔

تفصیلات کے مطابق وزیرِ اعلیٰ عثمان بزدار خصوصی تقریب میں تھیلیسیمیا کے شکار بچوں میں گھل مل گئے، انھوں نے مریض بچوں سے ہاتھ ملایا، پیار کیا اور گفتگو کی۔

پنجاب آپ کا اپنا گھر ہے۔ عثمان بزدار کا بلوچستان کے طلبہ کے وفد سے ملاقات۔

عثمان بزدار نے اس موقع پر کہا کہ یہ بچے ہمارے گلشن کا پھول ہیں، ہم اپنے گلشن میں مہکنے والے پھولوں کو مرجھانے نہیں دیں گے۔

دریں اثنا وزیرِ اعلیٰ پنجاب سے بلوچستان کے طلبہ کے ایک وفد نے ملاقات کی، عثمان بزدار نے طلبہ کو لاہور آمد پر خوش آمدید کہا۔

وزیرِ اعلیٰ نے طلبہ سے گفتگو کرتے ہوئے کہا کہ بلوچستان پاکستان کا مستقبل ہے، بلوچستان میں بے پناہ وسائل موجود ہیں، ان کا بھرپور استفادہ کیا جائے۔


یہ بھی پڑھیں:  ملک میں تھیلیسیمیا کے 6 نئے سینٹرز بھی قائم کیے جائیں گے


عثمان بزدار نے بلوچستان کے طلبہ کو یقین دہانی کرائی کہ پنجاب آپ کا اپنا گھر ہے، ہم لاہور آمد پر آپ کا خیر مقدم کرتے ہیں۔

علاوہ ازیں وزیرِ اعلیٰ پنجاب نے وزیر ٹرانسپورٹ جہانزیب خان کھچی کی والدہ کے انتقال پر اظہارِ افسوس کرتے ہوئے سوگوار خاندان سے دلی ہم دردی اور اظہار تعزیت کیا۔

Comments

comments

یہ بھی پڑھیں