The news is by your side.

Advertisement

خوراک میں توازن پیدا کرکےگردوں کےامراض سے بچا جاسکتا ہے،عثمان بزدار

لاہور: وزیراعلیٰ پنجاب عثمان بزدار کا کہنا ہے کہ علاج واحتیاطی تدابیرسےلاعلمی کےباعث امراض میں اضافہ ہورہاہے، خوراک میں توازن پیداکرکےگردوں کےامراض سے بچا جاسکتا ہے۔

تفصیلات کے مطابق وزیراعلیٰ پنجاب عثمان بزدار نے گردوں کے امراض سے بچاؤ کے دن پر اپنے پیغام میں کہا گردوں کےامراض سے متعلق آگاہی اجاگر کرنے کی ضرورت ہے، علاج واحتیاطی تدابیر سے لاعلمی کے باعث امراض میں اضافہ ہورہا ہے۔

،وزیراعلیٰ پنجاب کا کہنا تھا کہ خوراک میں توازن پیدا کرکےگردوں کےامراض سے بچا جاسکتا ہے، سرکاری اسپتالوں میں سہولتوں کی فراہمی ہماری ترجیح ہے۔

خیال رہے پاکستان سمیت دنیا بھر میں آج ورلڈ کڈنی ڈے یا گردوں کا عالمی دن منایا جارہا ہے، دنیا بھر میں اس وقت 85 کروڑ افراد گردوں کے مختلف امراض کا شکار ہیں۔

مزید پڑھیں : گردوں کا عالمی دن: دنیا بھر میں 85 کروڑ افراد گردوں کے مختلف امراض کا شکار

گردوں کا عالمی دن منانے کا مقصد گردوں کے امراض اور ان کی حفاظت سے متعلق آگہی و شعور پیدا کرنا ہے، یہ دن ہر سال مارچ کی دوسری جمعرات کو دنیا بھر میں منایا جاتا ہے، رواں برس یہ دن ’گردوں کی صحت، ہر جگہ سب کے لیے‘ کے عنوان سے منایا جارہا ہے۔

ایک محتاط اندازے کے مطابق دنیا بھر میں ہر سال 24 لاکھ اموات گردوں کے مختلف امراض کی وجہ سے ہوتی ہیں اور یہ امراض موت کا چھٹا بڑا سبب بن چکے ہیں۔

Comments

comments

یہ بھی پڑھیں