The news is by your side.

Advertisement

وزیراعلیٰ پنجاب نے سو روزہ کارکردگی کی رپورٹ پیش کر دی

وزیر اعظم نے مجھے منتخب کرکے اسٹیٹس کو توڑ دیا: عثمان بزدار

لاہور: وزیر اعلیٰ پنجاب عثمان بزدار نے حکومت پنجاب کی سو  روزہ کارکردگی کی رپورٹ پیش کر دی.

وزیراعلیٰ پنجاب نے لاہور میں اپنی کابینہ کی سو روزہ کارکردگی پر روشنی ڈالتے ہوئے کہا کہ نئے پاکستان کی تعبیر کا وقت آن پہنچا ہے.

انھوں‌ نے کہا کہ ہم وزیراعظم عمران خان کے ممنون ہیں، آپ نے سہولتوں سے محروم علاقے سے وزیراعلیٰ پنجاب منتخب کیا، میرےانتخاب کی وجہ سے  پنجاب میں اسٹیٹس کوٹوٹ گیا، آج پیش کی جانے والی رپورٹ ٹیم ورک ہے، وزیراعلیٰ پنجاب کا عہدہ میرے لیے اعزاز اور ساتھ ہی چیلنج بھی ہے.

جنوبی پنجاب صوبہ بنانے کے لئے ایگزیکٹو کونسلز قائم کی جاچکی ہے

وزیر اعلیٰ پنجاب

انھوں‌ نے کہا کہ عوام کے مسائل کے حل کے لئے میرے دروازے ہر وقت کھلے ہیں، میری ٹیم نے دن رات کام کیا، پنجاب کوترقی کی راہ پرگامزن کریں گے، جنوبی پنجاب صوبہ بنانے کے لئے ایگزیکٹو کونسلز قائم کی جاچکی ہے، جنوبی پنجاب میں پہلاسیکریٹریٹ یکم جولائی سے کام شروع کرے گا.

انھوں نے کہا کہ وزیراعظم کی ہدایت کے مطابق عارضی پناہ گاہیں قائم کیں، پنجاب میں5 مقامات پرعارضی پناہ گاہیں تکمیل کے مراحل میں ہیں، تاریخ میں پہلی مرتبہ 30 فی صد ترقیاتی فنڈز بلدیاتی اداروں کو منتقل کیے جائیں گے، وزیراعظم ہاؤسنگ اسکیم کے تحت اپنا گھر پروجیکٹ کا آغاز کردیا گیا ہے.


وزیر اعظم: وزیراعظم عمران خان کا پنجاب حکومت کی سو روزہ کارکردگی تقریب سے خطاب


وزیر اعلیٰ‌ پنجاب کا کہنا تھا کہ پنجاب سکل ڈیویلپمنٹ اتھارٹی کا قیام عمل میں لایا جاچکا ہے، پنجاب میں4 ٹیکنیکل یونیورسٹیاں قائم کی جارہی ہیں، صحت انصاف کارڈ پروجیکٹ کو وسعت دی جارہی ہے، طبی شعبے میں خالی اسامیوں پربھرتیوں کی منظوری دے دی گئی ہے.

وزیراعلیٰ پنجاب عثمان بزدار کا کہنا تھا کہ نئے اسپتال، ہائر ایجوکیشن میں اصلاحات سمیت دیگر منصوبے مکمل کیے جائیں گے، کلین اینڈگرین پاکستان مہم میں پہلے100روزمیں سوا کروڑ پودے لگائے گئے ہیں، وزیراعظم پورٹل میں 50 ہزارشکایتوں کا ازالہ کر چکے ہیں، گڈ گورننس کے لئے پنجاب میں پہلی مرتبہ ایڈوائزری کونسل بنائی گئی، پنجاب اسمبلی میں ریکارڈ قانون سازی کا سہرا بھی پی ٹی آئی کے سر ہے.

Comments

comments

یہ بھی پڑھیں