The news is by your side.

Advertisement

ملکی خزانہ لوٹنے والوں کو اپنے کئے کا حساب دینا ہوگا، عثمان بزدار

لاہور : وزیراعلیٰ پنجاب عثمان بزدار نے کہا اپوزیشن کےپاس کوئی ایجنڈانہیں، کرپشن کرنےوالوں کوترقی میں رکاوٹ نہیں ڈالنے دیں گے، ملکی خزانہ لوٹنے والوں کو اپنے کئے کاحساب دیناہوگا۔

تفصیلات کے مطابق وزیراعلیٰ پنجاب عثمان بزدار نے اپنے بیان میں کہا سابق حکمرانوں نےعوام کیلئےکچھ نہیں کیا، اپوزیشن کےپاس کوئی ایجنڈانہیں، بدعنوان عناصرکولوٹ مارسےاکٹھی دولت بچانےکی فکرہے۔

عثمان بزدار کا کہنا تھا کرپشن کےناسورنےپاکستان کوپیچھےدھکیلاہے، کرپشن کرنےوالوں کوترقی میں رکاوٹ نہیں ڈالنے دیں گے ، سابق ادوارمیں کرپشن نہ ہوتی توآج قرضوں کابوجھ نہ ہوتا۔

انھوں نے مزید کہا ملکی خزانہ لوٹنےوالوں کواپنےکئےکاحساب دیناہوگا، ترقی کیلئے کرپشن، لوٹ مار اور اقربا پروری کا خاتمہ ناگزیر ہے۔

مزید پڑھیں : پنجاب میں ہرکام میرٹ پرہوگا، سردارعثمان بزدار

گذشتہ روز عثمان بزدار وزیراعلیٰ پنجاب سردارعثمان بزدارنےکہاہےشوبازی کا دور گزر چکا ہے، سابق حکمرانوں نے صوبے کے عوام کی اصل ترجیحات کو نظر اندازکیا، منتخب نمائندوں کی مشاورت سے عوام کی ترقی اور خوشحالی کے پروگرام پر عملدرآمد کیا جائے گا۔

اس سے قبل سردارعثمان بزدار کا کہنا تھا پنجاب میں ہرکام میرٹ پرہوگا، عوام کو بنیادی سہولتیں فراہم کرنے کے لیے آخری حد تک جاؤں گا، ماضی میں اقربا پروری، کرپشن اورسفارشی کلچر نے اداروں کو تباہ کیا، گزشتہ دور میں قومی مفادات کو نظر انداز کیا گیا۔

وزیراعلیٰ پنجاب نے کہا تھا کہ عوام کو بنیادی سہولتیں فراہم کرنے کیلئےآخری حد تک جاؤں گا، وزیر اعظم کی کرپشن کے خلاف جنگ ہر پاکستانی کی آواز ہے۔

Comments

comments

یہ بھی پڑھیں