The news is by your side.

Advertisement

ہم دعوے نہیں کرتے عملی اقدام کر کے ریلیف دیتے ہیں، وزیراعلیٰ پنجاب

لاہور: وزیراعلیٰ پنجاب سردار عثمان بزدار کا کہنا ہے کہ ہم دعوے نہیں کرتے عملی اقدام کر کے ریلیف دیتے ہیں۔

تفصیلات کے مطابق انصاف امداد پروگرام کے تحت24 گھنٹے میں مستحق افراد میں مالی امداد کی تقسیم شروع کر دی گئی، ایک لاکھ 70 ہزار زکوٰة مستحقین کو 1 ارب 46 کروڑ 47 لاکھ روپے منتقل کیے گئے۔ چیف منسٹر انصاف امداد پروگرام کے آغاز کے 24 گھنٹے میں امداد منتقل کی گئی۔

وزیراعلیٰ پنجاب کا کہنا تھا کہ ہم دعوے نہیں کرتے عملی اقدام کر کے ریلیف دیتے ہیں، دکھی انسانیت کی خدمت شوبازی سے نہیں بلکہ عمل سے ہوتی ہے۔

انہوں نے کہا کہ چیف منسٹر انصاف امداد پروگرام کے لیے 10ارب روپے مختص کیے ہیں،اس پروگرام کے تحت25 لاکھ خاندانوں کی مالی معاونت کریں گے۔

سردار عثمان بزدار کا کہنا تھا کہ ہمارا یہ پروگرام دیہاڑی دار طبقے کو ریلیف فراہم کرےگا، پنجاب کی تاریخ میں یہ شفاف اور تیز رفتار ترین مالی معاونت کا پروگرام ہے۔

وزیراعلیٰ پنجاب نے انصاف امداد پیکج کی منظوری دے دی

یاد رہے کہ رواں ہفتے 30 مارچ کو وزیراعلیٰ پنجاب سردار عثمان بزدار نے انصاف امداد پیکج کی منظوری دی تھی۔ انہوں نے کہا تھا کہ انصاف امداد پیکج کے لیے10 ارب روپےمختص کیے گئے ہیں۔

Comments

یہ بھی پڑھیں