The news is by your side.

Advertisement

‘سابق حکمران وہی کاٹ رہے ہیں جوانہوں نے بویا’

لاہور : وزیراعلیٰ پنجاب عثمان بزدار کا کہنا ہے کہ سابق حکمران وہی کاٹ رہےہیں جوانہوں نےبویا، ماضی میں قومی وسائل کوبےدردی سےلوٹاگیا ، ہم نے لوٹ مار کے کلچر کو دفن کردیا ہے۔

تفصیلات کے مطابق وزیراعلیٰ پنجاب عثمان بزدار نے اپوزیشن پر تنقید کرتے ہوئے کہا پی ڈی ایم کی منفی سیاست نئےپاکستان میں نہیں چل سکتی، ان عناصر نے ملک وقوم کےساتھ وہ کیاجودشمن بھی نہیں کرتا۔

عثمان بزدار کا کہنا تھا کہ افراتفری پھیلانے والے عناصر کے باوجود ترقی کا سفر جاری رکھے ہوئےہیں، نئےعزم اور جذبے کے ساتھ آگے کی جانب بڑھ رہے ہیں، حکومت کے دامن پراسکینڈل کا کوئی داغ نہیں۔

وزیراعلیٰ پنجاب نے مزید کہا کہ ہمارا مختصردور سابق ادوارکی3 دہائیوں کےمقابلےمیں شفاف ترین ہے، سابق ادوارمیں ہرروزکرپشن کانیا اسکینڈل سامنے آتا تھا، عوام آج بھی کرپشن کی داستانوں کونہیں بھولے۔

ان کا کہنا تھا کہ سابق حکمران وہی کاٹ رہےہیں جوانہوں نےبویا، ماضی میں قومی وسائل کوبےدردی سےلوٹاگیا ، ہم نےلوٹ مارکےکلچرکودفن کردیاہے، خیانت کرنے والوں کی پاکستانی سیاست میں کوئی جگہ نہیں۔

عثمان بزدار نے مزید کہا کہ ہماری حکومت کےمنصوبےمعیار ، شفافیت میں اپنی مثال آپ ہیں، وزیر اعظم کی قیادت میں نئےپاکستان کی منزل کیجانب بڑھ رہے ہیں۔

Comments

یہ بھی پڑھیں