The news is by your side.

Advertisement

وزیراعظم عمران خان نے بھارت کی مکاری کا پردہ فاش کردیا،عثمان بزدار

لاہور : وزیراعلیٰ پنجاب عثمان بزدار نے کہا وزیراعظم کاپارلیمنٹ کے مشترکہ اجلاس سے خطاب قوم کی آواز ہے ، عمران خان نے بھارت کی مکاری کا پردہ فاش کردیا اور دنیا کوامن کا پیغام دیا ہے۔

تفصیلات کے مطابق وزیراعلیٰ پنجاب عثمان بزدار نے پارلیمنٹ میں وزیراعظم کی تقریر کے حوالے سے کہا وزیراعظم عمران خان کاپارلیمنٹ کے مشترکہ اجلاس سے خطاب قوم کی آواز ہے، بھارت کے متنازعہ اقدام پر عمران خان نے قوم کی ترجمانی کا حق ادا کیا۔

عثمان بزدار کا کہنا تھا وزیراعظم عمران خان نے بھارت کی مکاری کا پردہ فاش کردیا اور ایک بار پھر دنیا کوامن کا پیغام دیا ہے۔

اد رہے گذشتہ روز وزیر اعظم عمران خان نے پارلیمنٹ کے مشترکہ اجلاس سے خطاب میں مسئلہ کشمیر پر بھارتی ہتھکنڈے کے خلاف جنرل اسمبلی اور سلامتی کونسل میں آواز اٹھانے کا اعلان کیا تھا۔

مزید پڑھیں : بھارت نے کچھ کیا تو ہم بھر پور جواب دیں گے، وزیراعظم

وزیراعظم کا کہنا تھا بھارت یہ کھیل اور آگے لے کر گیا تومستقبل میں نقصان کے ذمہ دارہم نہیں ہوں گے، دنیا کو کردارادا کرناہوگا، بھارتی اقدام سےامن کو خطرہ ہے، روایتی جنگ بھی ہوسکتی ہے، بھارت نے کچھ کیا تو ہم بھر پور جواب دیں گے۔

عمران خان نے مزید کہا تھا کہ ایٹمی قوتیں کوئی خطرہ مول نہیں لےسکتیں، پیشگوئی کر رہا ہوں یہ پلوامہ جیسا واقعہ پھرکریں گے،الزام پاکستان پر لگایاجائےگا، مغربی دنیا کو مسلمانوں کی نسل کشی نظر نہیں آرہی، بھارت نے جو کشمیر میں کیاوہ بی جے پی کا انتخابی نعرہ تھا اور یہ نظریہ آرایس ایس کاہے

Comments

comments

یہ بھی پڑھیں