The news is by your side.

Advertisement

وزیراعظم جنوبی پنجاب میں ریفارمز کا جلد اعلان کریں گے، سردارعثمان بزدار

لاہور : وزیراعلیٰ پنجاب سردارعثمان بزدار نے کہا ہے کہ مجھ سے زیادہ جنوبی پنجاب اور غریبوں کا درد کسے ہوگا؟ وزیراعظم عمران خان جنوبی پنجاب میں ریفارمز کا جلد اعلان کریں گے۔

یہ بات انہوں نے لاہور میں میڈیا سے گفتگو کرتے ہوئے کہی، ان کا کہنا تھا کہ میرے علاقے میں جہاں بچے پڑھتے ہیں اس جگہ کا تصور بھی نہیں کرسکتے، 25جولائی کو الیکشن لڑا27جولائی کو بھی زمین پرسویا تھا، مجھ سے زیادہ جنوبی پنجاب اور غریبوں کا درد کسے ہوگا؟

عثمان بزدار کا مزید کہنا تھا کہ وزیراعظم عمران خان جنوبی پنجاب میں ریفارمز کا جلد اعلان کریں گے، بلدیاتی نظام سے متعلق بہت حد تک کام ہوچکا ہے، میرے علاقے میں بجلی پہنچ گئی ہے اب آگے بھی جائے گی۔

وزیراعلیٰ پنجاب نے ایک سوال کے جواب میں کہا کہ صوابدیدی فنڈ سے متعلق کوئی یو ٹرن نہیں لیا، ہر معاملے میں شفافیت کو ملحوظ خاطر رکھیں گے اور ایک ایک پیسے کا حساب دیں گے۔

Comments

comments

یہ بھی پڑھیں