میں نہیں بلکہ میرے تمام اراکینِ اسمبلی وزرائے اعلیٰ ہیں، عثمان بزدار -
The news is by your side.

Advertisement

میں نہیں بلکہ میرے تمام اراکینِ اسمبلی وزرائے اعلیٰ ہیں، عثمان بزدار

لاہور: پنجاب کے وزیرِ اعلیٰ عثمان بزدار نے کہا ہے کہ ارکانِ اسمبلی کے لیے ان کے دروازے ہر وقت کھلے رہیں گے، انھوں نے کہا ’میں نہیں بلکہ میرے تمام اراکینِ اسمبلی وزرائے اعلیٰ ہیں۔‘

وہ پی ٹی آئی اور ق لیگ کے پارلیمانی پارٹی کے اجلا س سے خطاب کر رہے تھے، اجلاس میں پاکستان تحریکِ انصاف کے صدارتی امیدوارعارف علوی پر بھرپور اعتماد کا اظہار کیا گیا۔

عثمان بزدار نے اپنے اراکینِ اسمبلی پر بھی مکمل اعتماد کا اظہار کیا، ان کا کہنا تھا کہ وہ نہیں بلکہ پنجاب اسمبلی کے تمام اراکین اپنی جگہ وزرائے اعلیٰ ہیں۔

پارلیمانی پارٹی نے متفقہ طور پر فیصلہ کیا کہ پی ٹی آئی صدارتی امیدوار عارف علوی کو اکثریت کے ساتھ کام یاب کرائیں گے، وزیرِ اعلیٰ نے اس موقع پر کہا ’ڈاکٹرعارف علوی ایک نفیس شخصیت کے مالک ہیں۔‘


مزید پڑھیں:  نیا بلدیاتی نظام لائیں گے: وزیر اعلیٰ پنجاب


عثمان بزدار کا کہنا تھا کہ صدارتی انتخاب کے معرکے میں بھی سرخرو ہوں گے، تحریکِ انصاف پاکستان میں تبدیلی کے ایجنڈے کو پورا کرے گی، ہم نے اپنے دور میں مثبت جمہوری روایات کو فروغ دینا ہے۔

وزیرِ اعلیٰ نے کہا کہ کابینہ کا پہلا مرحلہ مکمل ہو چکا ہے، دوسرے مرحلے کو آئندہ چند روز میں مکمل کیا جائے گا، ہر ضلع کو پنجاب کابینہ میں نمائندگی دی جائے گی۔

Comments

comments

یہ بھی پڑھیں