The news is by your side.

Advertisement

عوام کے خون پسینے کی کمائی کو بے دردی سے لوٹنے والوں کو حساب دینا ہوگا، عثمان بزدار

لاہور : وزیر اعلیٰ پنجاب سردار عثمان بزدار نے کہا ہے کہ عوام کے خون پسینے کی کمائی کو بے دردی سے لوٹنے والوں کو حساب دینا ہوگا ، تحریک انصاف کی حکومت نے کرپشن کے خلاف زیرو ٹالرنس کی پالیسی اپنائی ہے۔

تفصیلات کے مطابق وزیر اعلیٰ پنجاب سردار عثمان بزدار نے مختلف وفود سے گفتگو کرتے ہوئے کہا کہ کرپشن کے ناسور نے پاکستان کی جڑوں کو کھوکھلا کیا،70برس کے دوران کرپٹ عناصر نے لوٹ مار کر کے ملک کو تباہی کے دہانے پر پہنچایا۔

وزیر اعلیٰ پنجاب کا کہنا تھا کہ ماضی میں ترقیاتی منصوبوں کے نام پر قومی دولت کو بے دردی سے ضائع کیا گیا، وزیر اعظم عمران خان کی قیادت میں پاکستان کو شفاف قیادت ملی ہے ۔

سردار عثمان بزدار نے کہا کہ تحریک انصاف کی حکومت نے کرپشن کے خلاف زیرو ٹالرنس کی پالیسی اپنائی ہے ، جنہوں نے عوام کی خون پسینے کی کمائی کو بے دردی سے لوٹا ہے انہیں حساب دینا ہوگا ۔

مزید پڑھیں : تبدیلی کے لیے دن رات محنت کر رہے ہیں، وزیراعلیٰ پنجاب عثمان بزدار

گذشتہ روز وزیراعلیٰ پنجاب عثمان بزدار نے اپنے بیان میں کہا تھا تبدیلی کےلیےدن رات محنت کر رہے ہیں، حکومت عوام کو بنیادی ضرورت کاحق دینے کے لیے آخری حد تک جائے گی۔

سردار عثمان بزدار کا کہنا تھا ماضی میں اسکولوں اور اسپتالوں پر توجہ نہیں دی گئی،سابق ادوار میں اربوں کے قرضے لے کر عوام پر خرچ نہیں کیےگئے، ذاتی تجوریاں بھری گئیں، عوام کو خالی نعروں پر بہلایا گیا۔

وزیراعلیٰ پنجاب نے کہا تھا ترقی کےلیےاب دیرپا اقدامات کیےجا رہے ہیں، ترقی پسماندہ علاقوں کے عوام کا بھی حق ہے۔

Comments

comments

یہ بھی پڑھیں