عوام سےدرد کا رشتہ ہے، ہمارے دکھ سانجھے ہیں ‘ وزیراعلیٰ پنجاب -
The news is by your side.

Advertisement

عوام سےدرد کا رشتہ ہے، ہمارے دکھ سانجھے ہیں ‘ وزیراعلیٰ پنجاب

لاہور: وزیراعلیٰ پنجاب سردارعثمان بزدار کا کہنا ہے کہ تحریک انصاف کی حکومت پنجاب کے عوام کو ان کا حق لوٹا کردم لے گی۔

تفصیلات کے مطابق لاہور میں وزیراعلیٰ پنجاب سے اراکین اسمبلی اور تحریک انصاف کےعہدیداروں نے ملاقات کی جس میں ترقیاتی منصوبوں اور عوامی مسائل کے حل کے اقدامات پر تبادلہ خیال کیا گیا۔

وزیراعلیٰ پنجاب نے کہا کہ تحریک انصاف عوام سے کیے گئے وعدے پورے کرے گی، 100 دن میں ریلیف کا احساس دلانے کے لیے شب وروز کوشاں ہیں۔

سردارعثمان بزدار نے کہا کہ ہمارے عملی اقدامات کی گواہی خود عوام دیں گے، ماضی میں زبانی جمع خرچ سے کام چلایا گیا، تحریک انصاف کی حکومت پنجاب کےعوام کو ان کا حق لوٹا کردم لے گی۔

وزیراعلیٰ‌ پنجاب نے کہا کہ وزیراعظم عمران خان نےسادگی کی مثال قائم کی ہے، صوبہ پنجاب اپنے کپتان کی توقعات کو پورا کرے گا۔

انہوں نے کہا کہ پسماندہ علاقے سے آیا ہوں، عام آدمی کے مسائل کا پورا ادراک ہے، عوامی مسائل کے حل کے لیے روڈمیپ تیارکرلیا ہے۔

سردار عثمان بزدار نے کہا کہ عوام سےدرد کا رشتہ ہے، ہمارے دکھ سانجھے ہیں، اراکین عوام کے مسائل کے حل کےلیے ہمہ وقت کوشاں رہیں۔

عمران خان کے وژن پر عمل پیرا ہو کر ملک و قوم کی تقدیربدلیں گے ‘عثمان بزدار

یاد رہے کہ گزشتہ ہفتے وزیر اعلیٰ پنجاب کا کہنا تھا کہ عمران خان کی قیادت میں نئے پاکستان کی منزل کاسفر شروع ہو چکاہے، ان کے وژن پر عمل پیرا ہو کر ملک و قوم کی تقدیربدلیں گے۔

Comments

comments

یہ بھی پڑھیں