The news is by your side.

Advertisement

وزیراعلیٰ پنجاب نے کفایت شعاری کی مثال قائم کردی ،اخراجات میں کئی گنا کمی

لاہور : وزیراعلیٰ پنجاب عثمان بزدار نے کفایت شعاری کی مثال قائم کردی اور کہا ہم نےشوبازوں کی شاہ خرچیاں کاکلچرختم کردیا ہے، سرکاری خزانے کو امانت سمجھتے ہیں۔

تفصیلات کے مطابق بزدار حکومت کے کفایت شعاری اور بچت کی پالیسی کیلئے عملی اقدامات نے مثال قائم کردی، وزیراعلیٰ پنجاب عثمان بزدار کی ہدایت پر وزیراعلیٰ آفس کے اخراجات میں کئی گنا کمی ہوئی۔

عثمان بزدار دور میں 2018-19 میں گاڑیوں کی مرمت پر 2 کروڑ 93 لاکھ اور 2019-20 میں گاڑیوں کی مرمت پر71 لاکھ خرچ ہوئے جبکہ اس کے مقابلے 2016-17 میں وزیراعلیٰ آفس کی گاڑیوں کی مرمت پر 6 کروڑ29 لاکھ اور 18-2017 میں گاڑیوں کی مرمت پر4 کروڑ 24لاکھ روپے کے اخراجات ہوئے۔

مزید پڑھیں : پاکستان تبدیلی کی راہ پر چل پڑا ہے اب یہ سفر نہیں رکے گا، عثمان بزدار

وزیراعلیٰ پنجاب عثمان بزدار کی رہائش گاہ7کلب روڈ پر پردوں کی تبدیلی میں بھی کفایت شعاری سے کام لیا گیا۔

اس موقع پر وزیراعلیٰ پنجاب نے کہا ہم نے شوبازوں کی شاہ خرچیاں کاکلچرختم کردیاہے، ماضی کی حکومت نےسرکاری خزانےکومال مفت کی طرح خرچ کیا، سرکاری خزانےکو امانت سمجھتے ہیں۔

عثمان بزدار کا کہنا تھا کہ غیر ضروری اخراجات کوبہت حد تک کنٹرول کرلیا ہے، پروٹوکول اورسیکیورٹی کی مد میں بھی کروڑوں روپے بچائے گئے، قومی وسائل بچاکر عوام کی فلاح وبہبود پر صرف کررہے ہیں۔

fb-share-icon0
Tweet 20

Comments

comments

یہ بھی پڑھیں